ەكس-مينيستر قۋاندىق بيشىمبايەۆقا قاتىستى سوت وتىرىسى ءالى جالعاسىپ جاتىر. پروسەسس بارىسىندا مارقۇم سالتانات نۇكەنوۆانىڭ قۇربىسى ايدا احمەدينا جاۋاپ بەردى، - دەپ حابارلايدى Dalanews.kz.

كۋاگەر ايدا احمەدينا وقيعا بولعان كۇنى ولارمەن بىرگە كونسەرتكە بارعان. ونىڭ سوزىنشە، سالتانات نۇكەنوۆا قۋاندىق بيشىمبايەۆپەن اراداعى جايتتاردى بۇعان دەيىن دە بىرنەشە رەت ايتقان.

ال كونسەرتتە ولار سوزگە كەلە باستاعان.

"سالتانىڭ جانىندا وتىردىم. "نەگە ۇرىسىپ جاتسىڭدار؟" دەپ سۇرادىم. "ءبارى دۇرىس" دەدى. ولار بىردەڭەگە كەلىسە الماي جاتتى. مەن قۋاندىققا "نەگە ۇرىسىپ جاتسىڭدار، كونسەرتتەمىز عوي" دەدىم. كەيىن ساحناعا قاراپ وتىردىق. ءبىر كەزدە قۋاندىق سالتاناتقا بىردەڭە ايتىپ جاتتى. سالتانات جىلاي باستادى. مەن وعان سىرتقا شىعىپ كەلۋدى ۇسىندىم. "جوق، ءبىز سويلەسىپ وتىرمىز" دەدى دە كوز جاسىن ءسۇرتتى. ءبىر كەزدە سالتا تۇرىپ كەتتى، ءسويتىپ ولار كەتىپ قالدى. مەن ولار كەتىپ بارا جاتىر دەپ ويلامادىم، ءقازىر كەلەتىن شىعار دەپ وتىردىم. ءبىر كەزدە سالتادان حابارلاما كەلدى. "مەنىڭ ءنومىرىم (گاردەروبتاعى ءنومىر) سول جاقتا" دەدى. ولار كەتكىسى كەلەتىن شىعار دەپ ءوزىم دە شىقتىم. ولار كيىم اۋىستىراتىن جەردە بولمادى. دارەتحانادا دا بولمادى. كەتىپ قالدى ما دەپ ويلادىم"، - دەدى كۋاگەر.

سونىمەن قاتار، ول بيشىمبايەۆ نۇكەنوۆاعا كونسەرت كەزىندە نە ايتقانىن ەستىمەگەنىن، تەك ءبىر ءسات ەسىندە ەكەنىن ايتتى.

"بىلمەيمىن. سالتا "مەن سەن ءۇشىن ءبارىن ىستەدىم" دەدى. بيشىمبايەۆ "ءبارى دەگەن نە؟" دەدى"، - دەپ ەسكە الدى ول.

ايتا كەتەيىك، 27 ناۋرىزدا ەكس-مينيستر قۋاندىق بيشىمبايەۆتىڭ ءىسى بويىنشا القابيلەر تاڭدالعان ەدى. القابيلەر القاسىنا 12 ادام ىرىكتەلدى: 10 – نەگىزگى قۇرام، 2 – قوسالقى. سودان كەيىن اشىق سوت وتىرىستارى باستالدى.

سونىمەن قاتار، قۋاندىق بيشىمبايەۆ سوتتا سالتانات نۇكەنوۆانى اسا قاتىگەزدىكپەن ولتىرگەنىن مويىندامادى. بۇل وقيعا 2023 جىلى 9 قاراشادا استانا قالاسىنداعى BAU مەيرامحاناسىندا بولدى.

سوت وتىرىستارىندا وقيعا بولعان كەزدىڭ، دالىرەك، بيشىمبايەۆ سالتاناتتى شاشىنان سۇيرەپ، تەپكىلەگەن سۇمدىق كادرلار كورسەتىلدى.