جۋىردا ەكس-مينيستر قۋاندىق بيشٸمباەۆقا قاتىستى سوت وتىرىسىنا رەسەيلٸك تانىمال جۋرناليست كسەنييا سوبچاك كەلدٸ. سوت وتىرىسىنا قاتىستى ول ٶز پٸكٸرٸن بٸلدٸردٸ, - دەپ حابارلايدى Dalanews.kz.
كسەنييا سوبچاك قازاقستانعا جيٸ كەلەتٸنٸن, قازاقستاندى جاقسى كٶرەتٸنٸن ەرٸ مۇندا تانىستارى كٶپ ەكەنٸن ايتادى. وعان قوسا ٸس-شارالار مەن تويلاردى جٷرگٸزۋگە دە شاقىرتۋلار الادى ەكەن. ونىڭ سٶزٸنشە, قايشىلىقتى تٷسٸنٸكتٸ بۇعان دەيٸن دە بايقاعان.
"قازاق ەيەلدەرٸنٸڭ باسىم بٶلٸگٸ كٶش ٸلگەرٸ دەر ەدٸم: كٶپ جۇمىس ٸستەيدٸ, ٶرشٸل, ازات, بەرٸنە ٶز كٷشٸمەن قول جەتكٸزگٸسٸ كەلەدٸ, ەمانسيپاتسيياعا, تەۋەلسٸزدٸككە, تەڭدٸككە ۇمتىلادى. ونىڭ ٷستٸنە مۇندا دۇرىس فەمينيزمگە, ٶزارا كٶمەككە جەنە girl power تٷسٸنٸگٸنە ورىن بار. ونداي ەيەلدەردٸ ٶزٸم دە تانيمىن, كەيبٸرٸمەن دوسپىن, ولاردى قاتتى سىيلايمىن.
الايدا وعان قوسا بۇل ەلدە "ۇيات" دەگەن تٷسٸنٸك بار. ول سٶزبە-سٶز "ستىد" دەپ اۋدارىلادى جەنە قوعامدىق ايىپتاۋدان كٶرٸنەدٸ. ونلاين دا, وفلاين دا. وسى قۇبىلىس بويىنشا ەيەل كەز كەلگەن دەستٷرلٸ نورمادان اۋىتقىعانى ٷشٸن ۇياتقا قالۋى مٷمكٸن. كٶشەگە قىسقا بەلدەمشەمەن شىقتىڭىز با? ۇيات. بٸرنەشە "ۋحاجەرىڭىز" بار ما? ۇيات. كٷيەۋٸڭ قول كٶتەرٸپ جاتقاندا, كەتٸپ قالدىڭ با? ۇيات. ەرينە, بۇل مورالدىق زورلىق-زومبىلىققا ۇشىراعان ەيەلدەرگە قوسىمشا قىسىم جاسايدى", - دەدٸ ول.
سونىمەن قاتار, جۋرناليست سالتانات نٷكەنوۆانىڭ ٸسٸنە قاتىستى پٸكٸر بٸلدٸردٸ.
"سالتانات ٸسٸ بەتبۇرىس بولدى, ول وسى تٷسٸنٸكتەردٸ ٶزگەرتٸپ جاتىر. بۇرىنىراقتا ۇيات دەگەننٸڭ ەسەرٸنەن كونسەرۆاتيۆتٸ ويلايتىن حالىق ەيەلدەرگە "كٶپ سٶيلەمە, ۇرىس-كەرٸستٸ سىرتقا جايما, ٷندەمە, شىدا, سٷيٸپ كەتەسٸڭ" دەپ كەلگەن. ەندٸ مٸنە قىزدار ٷيدەگٸ تيراندارعا قارسى كٷرەستە بٸرٸگٸپ قانا قويماي, ارنايى زاڭنىڭ قابىلدانۋىنا دا قول جەتكٸزدٸ. قازٸر قازاقستاندا سالتانات ٸسٸ اياسىندا ٶتە قىزىق وقيعالار بولىپ جاتىر. مٷمكٸن تىم-تىرىس تٶڭكەرٸستٸڭ بٸر تٷرٸن كٶرٸپ وتىرعان شىعارمىز. ازاماتتىق قوعامنىڭ جەڭٸسٸن", - دەپ جازدى سوبچاك.
ايتا كەتەيٸك, 19 سەۋٸردە كسەنييا سوبچاك YouTube-ارناسىندا قازاقستاندا تۇرمىستىق زورلىق-زومبىلىققا قارسى قابىلدانعان زاڭ تۋرالى ايتقان بولاتىن. سٶز اراسىندا جۋرناليست بيشٸمباەۆقا قاتىستى ٸس تۋرالى دا ايتا كەتكەن بولاتىن.
"سوتتى كٷن سايىن جٷزدەگەن ادام قاراپ وتىر. تەلەگرام ارنالاردا ادامدار ەكٸ نەگٸزگٸ سۇراقتى كٶپ قويادى: ٷكٸم قاشان شىعادى جەنە ٷكٸم قانشالىق ەدٸل بولادى? دەگەنمەن "وستوروجنو مەديا" جۋرناليستەرٸنە قازاقستاندىق دەپۋتاتتار زاڭنىڭ قابىلدانۋى بيشٸمباەۆ ٸسٸنە قاتىسى جوعىن ايتتى", - دەدٸ سوبچاك.
استانا قالاسىنىڭ مامانداندىرىلعان اۋدانارالىق سوتىندا قۋاندىق بيشٸمباەۆقا قاتىستى قىلمىستىق ٸس بويىنشا سوت وتىرىسى ەلٸ دە جالعاسىپ جاتىر. ونى دٷيٸم جۇرت جوعارعى سوتتىڭ YouTube كانالىنان ونلاين تاماشالاپ وتىر.
ازاماتتىق نەكەدەگٸ ەيەلٸ سالتانات نٷكەنوۆانى ٶلتٸردٸ دەگەن ايىپپەن سوتتالىپ جاتقان ەكس-مينيستر قۋاندىق بيشٸمباەۆتى ادۆوكات لەيلا رامازانوۆا, نازكەن قۇسايىنوۆا, ەرلان عازىمجانوۆتار قورعاپ جاتىر.
ال مارقۇم سالتانات نٷكەنوۆانىڭ اعاسى ايتبەك امانگەلدٸ مەن ونىڭ وتباسىنىڭ ادۆوكاتتارى – جاننا ورازباحوۆا مەن الييا وماروۆا.
27 ناۋرىزدا ەكس-مينيستر قۋاندىق بيشٸمباەۆتىڭ ٸسٸ بويىنشا القابيلەر تاڭدالعان ەدٸ. القابيلەر القاسىنا 12 ادام ٸرٸكتەلدٸ: 10 – نەگٸزگٸ قۇرام, 2 – قوسالقى. سودان كەيٸن اشىق سوت وتىرىستارى باستالدى.
سونىمەن قاتار, قۋاندىق بيشٸمباەۆ سوتتا سالتانات نٷكەنوۆانى اسا قاتىگەزدٸكپەن ٶلتٸرگەنٸن مويىندامادى. بۇل وقيعا 2023 جىلى 9 قاراشادا استانا قالاسىنداعى BAU مەيرامحاناسىندا بولدى.
بيشٸمباەۆقا ەكٸ باپ بويىنشا ايىپ تاعىلدى:
- اسا قاتىگەزدٸكپەن كٸسٸ ٶلتٸرۋ (15 جىلدان 20 جىلعا دەيٸن نەمەسە ٶمٸر بويىنا باس بوستاندىعىنان ايىرۋ);
- قيناۋ (4 جىلدان 7 جىلعا دەيٸن باس بوستاندىعىن شەكتەۋ نەمەسە وسى مەرزٸمگە باس بوستاندىعىنان ايىرۋ).
سونداي-اق, ونىڭ تۋىسى باقىتجان بايجانوۆ تا كٷدٸكتٸ رەتٸندە قاماۋعا الىندى. وعان قىلمىستىق كودەكستٸڭ ەكٸ بابى بويىنشا ايىپ تاعىلعان. ناقتىراق ايتساق, 432-بابى (اسا اۋىر قىلمىستى جاسىرىپ قالۋ); 434-بابى (اسا اۋىر قىلمىستى حابارلاماۋ).
