زاڭگەر ەرجان ەسٸمحانوۆ قۋاندىق بيشٸمباەۆتىڭ سوت پروتسەسٸنە قاتىستى پٸكٸر بٸلدٸردٸ, - دەپ حابارلايدى Dalanews.kz.
ايتا كەتەيٸك, ەلەۋمەتتٸك جەلٸدە قازاقستاندىقتار سۋديا, پروكۋرور مەن ادۆوكاتتاردىڭ دٶرەكٸلٸگٸنە نارازى بولعان. زاڭگەردٸڭ سٶزٸنشە,ولاردىڭ ٶزٸن ۇستاۋىنا تاڭعالۋدىڭ قاجەتٸ جوق.
«بۇل بٷكٸل ەل ونلاين كٶرۋگە مٷمكٸندٸك العان اۋقىمدى پروتسەسس, سوندىقتان كەسٸبي ماماندار دا, قاتىسى جوق ادامدار دا پروتسەسكە قاتىستى پٸكٸر بٸلدٸرۋگە تىرىسىپ جاتىر. ولاردىڭ كٶبٸ پروتسەسس قالاي ٶربٸپ جاتقانىنا نارازى. پروكۋرورلار سەلقوس, ايىپتالۋشىنىڭ ادۆوكاتتارى دٶرەكٸ, سۋديا پروتسەستٸ باقىلاۋدا ۇستاماي وتىر دەيدٸ. سوندىقتان ادامداردا پروتسەسس باقىلاۋدا تۇر, شەشٸم بەلگٸلٸ, ەدٸلدٸك بولمايدى دەگەندەي وي قالىپتاسقانداي بولعان.
بۇل قالىپتى نەرسە, ەركٸم ٶز ويىن ايتۋعا قۇقىلى. بٸراق بٸر نيۋانس بار. مۇنى بۇعان دەيٸن سوت پروتسەستەرٸنە قاتىسقان ادام تٷسٸنەدٸ. ولاردىڭ ٶزٸن بۇلاي ۇستاۋى جاڭالىق ەمەس, ولار ٶزٸن ٷنەمٸ وسىلاي ۇستايدى. ٷنەمٸ. پروكۋرورلار سەلقوس. بٸر تۇجىرىمدى قايتالاي بەرەدٸ. زاڭگەرلەر ولار نە ٷشٸن بٸر نەرسەنٸ قايتالاي بەرەتٸنٸن تٷسٸنەدٸ, ايىپتاۋشى تاراپتىڭ بەلگٸلٸ بٸر پروتسەدۋرالىق مٸندەتٸ بار, ولار سول تاپسىرمانى ورىنداۋى كەرەك», - دەيدٸ زاڭگەر.
ەرجان ەسٸمحانوۆتىڭ سٶزٸنشە, ادۆوكاتتاردىڭ ٶزٸن دٶرەكٸ ۇستاۋى دا قالىپتى نەرسە.
«ولاردىڭ ەتيكاعا پىسقىرعانى بار. قارسى تاراپقا ۇيالماي قىسىم جاساپ, سۋديا بايقامايدى دەگەن ٷمٸتپەن دەرەكتەردٸ بۇرمالاپ, نەتيجەسٸندە سولاي دا بولىپ جاتادى. سۋديالار دا سونداي. پروتسەستٸ باقىلامايدى. نە بولىپ جاتقانىن تٷسٸنبەيدٸ. سۋديا ٶزٸن اگرەسسيۆتٸ ۇستاپ وتىرعان ادامعا قارسىلاسپايدى. كەيدە سۋديالاردىڭ ٶزٸ دە ٶزٸن اگرەسسيۆتٸ تٷردە ۇستاۋى مٷمكٸن. ال سوتتا نە بولىپ جاتقانىن مٷلدەم تٷسٸنبەۋٸ مٷمكٸن», - دەيدٸ ەسٸمحانوۆ.
ونىڭ سٶزٸنشە, بۇل پروتسەسس تۇرمىستىق زورلىق-زومبىلىقتىڭ الدىن الۋداعى ٷلكەن قادام. تاعى بٸر ماڭىزدى تۇسى – قازاقستاندىقتار وسى سوت پروتسەسٸ ارقىلى ەلدەگٸ سوت جٷيەسٸ قالاي جۇمىس ٸستەيتٸنٸن كٶرۋگە, بٸلۋگە مٷمكٸندٸك العان. ⠀
"سوندىقتان تاڭعالىپ, سوت پروتسەسٸنەن قانداي دا بٸر لوگيكا ٸزدەۋدٸڭ قاجەتٸ جوق. سەبەبٸ بۇل جاعدايدا شەشٸمدٸ سوت شىعارمايدى. شەشٸمدٸ القابيلەر شىعارادى. ال سوت القابيلەر ەكٸ تاراپتى جەنە ٸسكە قاتىستى دەرەكتەردٸ دۇرىس تٷسٸنۋٸنە جاعداي جاساۋى كەرەك - ال سوت كەي جاعدايدا ٶزٸ دە ەشتەڭە تٷسٸنبەي وتىرادى.
پروتسەسس شەشٸمٸ قانداي بولادى دەپ بولجام جاساي المايمىز. سوندىقتان وعان قاتىستى پٸكٸردٸ ەگەر لوگيكاعا سىيمايتىن ٷكٸم شىقسا كەيٸنٸرەك ايتارمىن. سول كەزدە قانداي دا بٸر نارازىلىق بٸلدٸرۋ قاجەت. سول جاعدايدا عانا بٸر نەرسە ٶزگەرتە الامىز", - دەيدٸ زاڭگەر.
ايتا كەتەيٸك, 1 سەۋٸردە ٶتكەن سوت وتىرىسىندا قۋاندىق بيشٸمباەۆ سالتانات نٷكەنوۆامەن قارىم-قاتىناسى تۋرالى ٶز نۇسقاسىن ايتقان بولاتىن. سونىمەن قاتار, بيشٸمباەۆ سوتتا سالتاناتتىڭ جەكە ٶمٸرٸندەگٸ بۇرىنعى جايتتار تۋرالى دا ايتتى.
ودان بٶلەك, بيشٸمباەۆ ٸسكە قاتىستى اقپاراتتار بۇرمالانعانىن مەلٸمدەدٸ.
ەندٸگٸ سوت وتىرىسى 3 سەۋٸردە 10.00-دە بولادى.
27 ناۋرىزدا ەكس-مينيستر قۋاندىق بيشٸمباەۆتىڭ ٸسٸ بويىنشا القابيلەر تاڭدالعان ەدٸ. القابيلەر القاسىنا 12 ادام ٸرٸكتەلدٸ: 10 – نەگٸزگٸ قۇرام, 2 – قوسالقى. سودان كەيٸن اشىق سوت وتىرىستارى باستالدى.
كەيٸن قۋاندىق بيشٸمباەۆ سوتتا سالتانات نٷكەنوۆانى اسا قاتىگەزدٸكپەن ٶلتٸرگەنٸن مويىندامادى.
بۇل وقيعا 2023 جىلى 9 قاراشادا استانا قالاسىنداعى BAU مەيرامحاناسىندا بولدى.
