ەيەلٸن ٶلتٸردٸ دەگەن ايىپ تاعىلىپ وتىرعان ەكس-مينيستر قۋاندىق بيشٸمباەۆتىڭ ٸسٸ بويىنشا القابيلەر تاڭدالدى, - دەپ حابارلايدى Dalanews.kz.
بٷگٸن ەلوردانىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا قۋاندىق بيشٸمباەۆتىڭ ٸسٸ بويىنشا القابيلەردٸ ٸرٸكتەۋ ٶتتٸ.
القابيلەر القاسىنا 12 ادام تاڭدالدى: 10 – نەگٸزگٸ قۇرام, 2 – قوسالقى. اشىق رەجيمدە ٶتەتٸن كەلەسٸ سوت وتىرىسى ساعات 16:00-گە بەلگٸلەندٸ.
بۇعان دەيٸن جوعارعى سوت الداعى سوت وتىرىستارىنا قاتىستى مەلٸمدەمە جاسادى.
"قۋاندىق بيشٸمباەۆقا قاتىستى سوت پروتسەسٸنە قوعامنىڭ جوعارى قىزىعۋشىلىعىن ەسكەرە وتىرىپ, وسى ٸس بويىنشا اشىق سوت وتىرىستارىنىڭ ونلاين-ترانسلياتسيياسىن ۇيىمداستىرۋ تۋرالى شەشٸم قابىلداندى", - دەپ جازىلعان ەدٸ حابارلامادا.
ايتا كەتەيٸك, بىلتىر قۋاندىق بيشٸمباەۆ ەيەلٸن ۇرىپ ٶلتٸردٸ دەگەن كٷدٸكپەن قاماۋعا الىندى. قازٸر سوت وتىرىسى ٶتٸپ جاتىر. بۇرىنعى ۇلتتىق ەكونوميكا مينيسترٸ قۋاندىق بيشٸمباەۆتىڭ بۇل بٸرٸنشٸ قىلمىستىق ٸسٸ ەمەس.
ول 2018 جىلعى ناۋرىزدا 10 جىلعا باس بوستاندىعىنان ايىرىلعان بولاتىن. بۇرىنعى شەنەۋنٸك پارا الۋ جەنە اقشا جىمقىرۋ ٸستەرٸندە ايىپتى دەپ تانىلعان ەدٸ. بيشٸمباەۆتىڭ سوت ٸسٸ تٶرت ايدان اسا ۋاقىتقا سوزىلدى. ونىمەن بٸرگە بۇل ٸستە 22 ادام سوتقا تارتىلعان ەدٸ. ولار "بەيتەرەك DEVELOPMENT" اق ەكس-قىزمەتكەرلەرٸ, كەسٸپكەرلەر جەنە قۇرىلىس كومپانييالارىنىڭ ٶكٸلدەرٸ بولدى. ەكس-شەنەۋنٸك 10 جىلعا سوتتالسا دا, تۋرا 19 اي ٶتكەندە بوستاندىققا شىقتى.
