قازاقستاندا 2025 جىلدىڭ باسىنان بەرى زەينەتاقى مەن ءتۇرلى الەۋمەتتىك جاردەماقىلاردى قارجىلاندىرۋ ءۇشىن 5،9 ترلن تەڭگە كولەمىندە قاراجات باعىتتالعان. بۇل تۋرالى ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا مالىمدەدى، دەپ حابارلايدى Dalanews.kz.
مينيستر مەملەكەت الەۋمەتتىك ساياسات سالاسىنداعى ءوز مىندەتتەمەلەرىن ۋاقىتىندا ورىنداپ وتىرعانىن اتاپ ءوتتى.
"جىلدىڭ باسىنان باستاپ 4،6 ميلليوننان استام ازامات زەينەتاقىمەن جانە الەۋمەتتىك تولەمدەرمەن قامتىلدى. ولاردىڭ قاتارىندا شامامەن 2،5 ميلليون زەينەتكەر جانە 2،1 ميلليوننان استام جاردەماقى الۋشى بار"، — دەدى جاقىپوۆا.
سونىمەن بىرگە ونىڭ ايتۋىنشا، 1 قاڭتاردان باستاپ بازالىق زەينەتاقىنىڭ ەڭ تومەنگى دەڭگەيى ەڭ تومەنگى كۇنكورىس شەگىنىڭ 70 پايىزىنا دەيىن، ال جوعارى شەگى 110 پايىزىنا دەيىن قايتا ەسەپتەلگەن.
