Qazaqstanda 2025 jyldyń basynan beri zeınetaqy men túrli áleýmettik járdemaqylardy qarjylandyrý úshin 5,9 trln teńge kóleminde qarajat baǵyttalǵan. Bul týraly Eńbek jáne halyqty áleýmettik qorǵaý mınıstri Svetlana Jaqypova málimdedi, dep habarlaıdy Dalanews.kz.
Mınıstr memleket áleýmettik saıasat salasyndaǵy óz mindettemelerin ýaqytynda oryndap otyrǵanyn atap ótti.
"Jyldyń basynan bastap 4,6 mıllıonnan astam azamat zeınetaqymen jáne áleýmettik tólemdermen qamtyldy. Olardyń qatarynda shamamen 2,5 mıllıon zeınetker jáne 2,1 mıllıonnan astam járdemaqy alýshy bar", — dedi Jaqypova.
Sonymen birge onyń aıtýynsha, 1 qańtardan bastap bazalyq zeınetaqynyń eń tómengi deńgeıi eń tómengi kúnkóris sheginiń 70 paıyzyna deıin, al joǵary shegi 110 paıyzyna deıin qaıta eseptelgen.
