تٷركٸستان وبلىسىندا زييانكەستەرمەن كٷرەس بويىنشا 4 جەدەل شتاب قۇرىلىپ, جۇمىس كٷشٸ جاساقتالعان. بۇل جۇمىستار تٸكەلەي وبلىس ەكٸمٸ نۇرالحان كٶشەروۆتٸڭ باقىلاۋىنا الىنعان, – دەپ حابارلايدى Dalanews.kz تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
وسى ورايدا, تٷركٸستان وبلىسى ەكٸمٸنٸڭ ورىنباسارى نۇربول تۇراشبەكوۆ ارىس قالاسى, قوجاتوعاي اۋىلىنداعى جەدەل شتاب قۇرامىمەن كەزدەسٸپ, دايىندىقتى پىسىقتادى.
جۇمىستى ٷيلەستٸرۋ بويىنشا سەمينار ۇيىمداستىرىلىپ, وعان اۋدان, قالا ەكٸمدەرٸ مەن سالاعا جاۋاپتى ورىنباسارلارى, باسقارما باسشىلارى, اۋىل ەكٸمدەرٸ قاتىستى.
سەمينار بارىسىندا شەگٸرتكە دەرنەسٸلدەرٸن انىقتاۋدان باستاپ حيمييالىق ٶڭدەۋدەن سوڭ تازالاۋعا دەيٸنگٸ جۇمىس ٷلەستٸرٸلٸپ, مٸندەتتەمەلەر بەكٸتٸلدٸ. وبلىس ەكٸمٸنٸڭ ورىنباسارى جاۋاپتى تۇلعالارعا جۇمىستاردى اسا جاۋاپكەرشٸلٸكپەن ۋاقىتىلى اتقارۋدى تاپسىردى.
بيىل شەگٸرتكەگە قارسى حيمييالىق ٶڭدەۋ وبلىستاعى 9 اۋداندا جٷرگٸزٸلمەك. ماماندار شەگٸرتكە دەرنەسٸلدەرٸنٸڭ سەۋٸر ايىنىڭ العاشقى 10 كٷنٸندە شىعادى دەپ بولجام جاسادى. جالپى, 1 ملن گەكتارعا جۋىق جايىلىم جەر القاپتارىنىڭ 15 مىڭ گەكتاردان بٶلٸنگەن كارتاسى ەزٸرلەنٸپ, 65 اۋماقتا جۇمىسشى توپ جاساقتالدى.
سونىمەن قاتار اۋدان, قالا ەكٸمدٸكتەرٸ تاراپىنان 980 انىقتاۋشى تٸزٸمٸ بەكٸتٸلدٸ. انىقتاۋشىلاردى «بولجام ەدٸستەمەلٸك ورتالىعى» ارنايى دايىندىقتان ٶتكٸزدٸ. ودان بٶلەك, 65 جۇمىسشى توپقا جاتىن ورىندار دايىندالىپ, حيمييالىق ٶڭدەۋ ەرٸتٸندٸسٸن ەزٸرلەۋگە قاجەتتٸ 206 سۋ كٶزٸ بەلگٸلەندٸ. انىقتاۋشىلاردى تاسىمالداۋعا 86 ميكرواۆتوبۋس, سۋ جەتكٸزۋگە 45 ارنايى اۆتوكٶلٸك, جانار-جاعارماي جەتكٸزۋگە 30 ارنايى اۆتوكٶلٸك ەزٸرلەندٸ. ٶڭٸردەگٸ 2 990 جايىلىم جەر يەلەرٸنە حابارلاما بەرٸلدٸ. ولار دا انىقتاۋ شارالارىنا قاتىسپاق.
