ٶتكەن جىلدان بەرٸ سەمەي قالاسىندا 54 تۇرعىن ٷيدٸڭ 35 اۋلاسى اباتتاندىرىلعان. بيىل تاعى 70 اۋلا (160-تان استام تۇرعىن ٷي) جٶندەلمەكشٸ. سونداي-اق, 15 قوعامدىق ورىندى اباتتاندىرۋ جوسپارلانىپ وتىر.
ايماق باسشىسى نۇرلان ۇرانحاەۆ بٷگٸن گلينكا 30, 32, يرتىشسكايا 17, ٶزبەكسكايا 40 كٶشەلەرٸنٸڭ بويىنداعى اباتتاندىرۋ جۇمىستارى باستالعان بٸرنەشە اۋلانى ارالاپ كٶردٸ.
– بيىل 70 اۋلانى اباتتاندىرامىز. جۇمىستاردىڭ ساپالى ورىندالۋىنا باسا مەن بەرەمٸز, – دەدٸ نۇرلان ۇرانحاەۆ.
سونداي-اق, قالا مەن وبلىس ٷشٸن اسا ماڭىزدى دەنساۋلىق ساقتاۋ نىساندارىن سالۋ مەسەلەسٸنە دە ەكٸمدٸك باسا كٶڭٸل بٶلۋدە. ايتالىق, ەكٸمدٸك 400 ورىندىق كٶپسالالى وبلىستىق اۋرۋحانانىڭ, 150 تٶسەكتٸك بالالار پسيحونەۆرولوگييالىق مەديتسينالىق-ەلەۋمەتتٸك مەكەمەسٸنٸڭ, ۋنيۆەرسيتەتتٸك ەمحانانىڭ قۇرىلىسىنا ارنالعان ورىندار بەلگٸلەپ قويعان.
ينۆەستورلار ەسەبٸنەن قاجەتتٸ قۇجاتتامانى دايىنداۋ, سول ارقىلى بيۋدجەت قاراجاتى ٷنەمدەۋ دە كٶزدەلگەن.
وسى رەتتە وبلىس ەكٸمٸ نۇرلان ۇرانحاەۆ ۆولگوگرادسكايا كٶشەسٸنٸڭ بويىنداعى بٶلٸنگەن جەر تەلٸمدەرٸن ارالاپ كٶردٸ. سونداي-اق, ۇشاقتار اۋدانىندا ەمحانامەن بٸرگە 300 ورىندىق كٶپسالالى بالالار اۋرۋحاناسىنىڭ قۇرىلىسى جٷرۋدە. وبلىس باسشىسى قۇرىلىس الاڭىن ارالاپ كٶرٸپ, ٶز ويىن ورتاعا سالدى.
قالانىڭ تٸرشٸلٸگٸمەن تانىسۋ كەزٸندە نۇرلان ۇرانحاەۆ بي-بورانباي كٶشەسٸنٸڭ قيىلىسىنداعى جول جامىلعىسىنىڭ جٶندەۋ جۇمىستارىن تەكسەردٸ. بيىل سەمەيدە بارلىعى 40-قا جۋىق كٶشەگە اسفالت تٶسەلمەك.
جالپى قاشىقتىعى 7 شاقىرىمدى قۇرايتىن قالا كٶشەلەرٸندەگٸ تراتۋارلاردى رەتكە كەلتٸرٸپ, 360 شارشى مەتر بولاتىن اسفالتبەتون جابىندىسىن تٶسەۋ جوسپارلانعان.
