تامشىلاتىپ سۋعارۋ ءادىسى قوسىمشا 500 گەكتارعا ەندىرىلىپ، ونىڭ جالپى كولەمى 2998،7 گەكتارعا جەتتى.
26،3 گەكتارعا قوسىمشا جىلىجايلار ۇلعايتىلىپ، ونىڭ جالپى كولەمى 127،3 گەكتارعا جەتتى. وسى جىلىجايلاردان جىل بويىنا 38،1 مىڭ توننا كوكونىس ونىمدەرى جينالدى.
جىل باسىنان فەرمەرلەرگە «ىرىس» قارجىلاندىرۋ ۇيىمى ارقىلى تومەنگى پايىزبەن 41 جوباعا 198،2 ملن. تەڭگە نەسيە بەرىلگەنىن ايتا كەتۋىمىز كەرەك.
«سىباعا»، «التىن اسىق»، «قۇلان»، «جۇرتشىلىق تابىنعا اسىل تۇقىمدى بۇقا» باعدارلامالارىنىڭ اياسىندا 2611 مال باسى ساتىپ الىنىپ تاپسىرما ارتىعىمەن ورىندالدى. 2018 جىلدىڭ 10 ايىندا اۋداندا 9050 باس مال بورداقىلانىپ، 18 164،6 توننا ەت ءوندىرىلدى.
شاعىن جانۇيالىق ءسۇت فەرمالارىن اشۋ بويىنشا بۇگىنگى تاڭعا 94 فەرما اشىلىپ، العا قويىلعان ماقساتتار 103،3 پايىزعا ورىندالدى.
اۋدانداعى مال شارۋاشىلىعىنا توقتالاتىن بولساق، وتكەن جىلدارعا قاراعاندا مال باسى ايتارلىقتاي 5،6 پايىزعا ءوسىپ، اتاپ ايتقاندا، ءىرى قارا مال باسى 68،3 مىڭ باسقا، قوي-ەشكى 346،2 مىڭ باسقا، جىلقى 30،8 مىڭ باسقا، قۇس 75،1 مىڭ بىرلىكتى قۇرادى. مال بورداقىلاۋ الاڭدار سانى 392 بىرلىكتى قۇراپ مەجە 103،0 پايىزعا ورىندالدى.
Dalanews.kz
