وسى ورايدا «سپورت-سيتي» جوباسىنىڭ شەڭبەرىندە ءبىر اۋىسىمدا 50 ادامعا دەيىن جاتتىعا الاتىن مۇزايدىننىڭ قۇرىلىسى ءجۇرىپ جاتىر.
مۇزايدىننىڭ جانىندا جابىق فۋتبول الاڭى مەن جەڭىل اتلەتيكا مانەجى جانە وليپيادالىق رەزەرۆتى دايارلاۋ ورتالىعى بوي كوتەرەدى.
پاۆلودار وبىسىنىڭ دەنە تاربيەسى، تۋريزم جانە سپورت باسقارماسىنىڭ باس مامانى اينۇر قوسپاقوۆانىڭ ايتۋىنشا، مۇزايدىنىندا كاسىبي سپورتشىلارمەن قاتار، كونكي سپورتىنىڭ اۋەسقويلارى دا سىرعاناي الادى.
سپورت نىسانىنىڭ قۇرىلىسىن «توير» ج ش س جۇرگىزۋدە.
بۇگىنگى تاڭدا مەردىگەر قۇرىلىس-مونتاجداۋ جۇمىستارىن 80 پايىزعا ورىنداعان.
- قازىرگى كەزدە مۇزايدىنى ورنالاساتىن عيمارات تولىقتاي سالىنىپ بولدى، – دەدى مەردىگەر ۇيىمنىڭ ديرەكتورىنىڭ ورىنباسارى ءالىمجان يسمايلوۆ. – ەندى ونىڭ ىشىندەگى ارلەۋ جۇمىستارىن جۇرگىزىپ جاتىرمىز.
مۇزايدىنىنا تابيعي مۇز پايدالانىلادى.
ءقازىر ءبىز مۇز تۇزەۋ جابدىقتارىن قۇراستىرۋدامىز. شاتىر استىنداعى فۋتبول مانەجىنىڭ قۇرىلىسىنا كەلەتىن بولساق، جوبانىڭ جالپى قۇنى 1،5 ميلليارد تەڭگەگە جۋىق سومانى قۇرايدى.
ءبىر ميللياردتان استام قاراجات نىساننىڭ قۇرىلىسىنا جۇمسالسا، قالعان سوماعا تريبۋنالار، جاساندى ءشوپ جابىندىسى جانە وزگە دە جابدىقتار ساتىپ الىنادى.
فۋتبول مانەجىنىڭ قۇرىلىسىن «Taraz Qurylys Invest» ج ش س جۇرگىزىپ جاتىر. قازىرگى كەزدە قۇرىلىس كومپانياسى مانەجدىڭ قازانشۇڭقىرىن قازىپ، فۋندامەنت تورىن دانەكەرلەۋ جانە ىرگەتاس بلوكتارىن ورناتۋمەن اينالىسىپ جاتىر.
سپورت نىساندارى قۇرىلىسىنىڭ باس جوسپارىنا سايكەس «سپورت-سيتي» اۋماعىندا مۇگەدەكتەرگە ارنالعان جاتتىعۋ الاڭى، ۆەلودروم، ۆولەيبول جانە باسكەتبول الاڭدارى ورنالاساتىن بولادى.
[caption id="attachment_44924" align="aligncenter" width="800"]
DCIM100MEDIADJI_0015.JPG[/caption]
