Osy oraıda «Sport-Sıtı» jobasynyń sheńberinde bir aýysymda 50 adamǵa deıin jattyǵa alatyn muzaıdynnyń qurylysy júrip jatyr.
Muzaıdynnyń janynda jabyq fýtbol alańy men jeńil atletıka maneji jáne olıpıadalyq rezervti daıarlaý ortalyǵy boı kóteredi.
Pavlodar obysynyń dene tárbıesi, týrızm jáne sport basqarmasynyń bas mamany Aınur Qospaqovanyń aıtýynsha, muzaıdynynda kásibı sportshylarmen qatar, kónkı sportynyń áýesqoılary da syrǵanaı alady.
Sport nysanynyń qurylysyn «TOIR» JSHS júrgizýde.
Búgingi tańda merdiger qurylys-montajdaý jumystaryn 80 paıyzǵa oryndaǵan.
- Qazirgi kezde muzaıdyny ornalasatyn ǵımarat tolyqtaı salynyp boldy, – dedi merdiger uıymnyń dırektorynyń orynbasary Álimjan Ismaılov. – Endi onyń ishindegi árleý jumystaryn júrgizip jatyrmyz.
Muzaıdynyna tabıǵı muz paıdalanylady.
Qazir biz muz túzeý jabdyqtaryn qurastyrýdamyz. Shatyr astyndaǵy fýtbol manejiniń qurylysyna keletin bolsaq, jobanyń jalpy quny 1,5 mıllıard teńgege jýyq somany quraıdy.
Bir mıllıardtan astam qarajat nysannyń qurylysyna jumsalsa, qalǵan somaǵa trıbýnalar, jasandy shóp jabyndysy jáne ózge de jabdyqtar satyp alynady.
Fýtbol manejiniń qurylysyn «Taraz Qurylys Invest» JSHS júrgizip jatyr. Qazirgi kezde qurylys kompanıasy manejdiń qazanshuńqyryn qazyp, fýndament toryn dánekerleý jáne irgetas bloktaryn ornatýmen aınalysyp jatyr.
Sport nysandary qurylysynyń bas josparyna sáıkes «Sport-Sıtı» aýmaǵynda múgedekterge arnalǵan jattyǵý alańy, velodrom, voleıbol jáne basketbol alańdary ornalasatyn bolady.
[caption id="attachment_44924" align="aligncenter" width="800"]
DCIM100MEDIADJI_0015.JPG[/caption]
