كەلەس اۋدانىندا اۋىل شارۋاشىلىعى سالاسىندا ءۇش جاقتاما كەلىسىم بويىنشا 31 كورسەتكىشتەردى ىسكە اسىرۋ مەجەلەنگەن-دى. اعىمدى جىلدىڭ سوڭعى 10 ايىندا 26 كورسەتكىشتىڭ جوسپارى بەلگىلەنگەن بولسا، ونىڭ ىشىندە جوسپاردىڭ ورىندالعانى – 19، ورىندالماعانى – 7 كورسەتكىش.

اۋداندا اۋىل شارۋاشىلىعىنىڭ ناقتى كولەم يندەكسىنە ەگىن شارۋاشىلىعى، ەت ءوندىرۋ، جۇمىرتقا ءوندىرۋ، ۇساق مال باسىن ۇلعايتۋ جانە جىلقى باسىن ۇلعايتۋ جاتادى.

بيىل كەلەس اۋدانىندا 10،6 گەكتارعا جىلىجاي سالىنعان بولسا، تامشىلاتىپ سۋارۋ ءادىسى 287 گەكتار جەرگە ەنگىزىلگەن. ال اۋىل شارۋاشىلىعى تەحنيكالارى 41 بىرلىككە جاڭارتىلىپ، شارۋالاردىڭ ءونىمدى جۇمىس ىستەۋ مۇمكىندىگىنە يە بولدى.

اعىمدا جىل باسىنان «سىباعا» بويىنشا 1230 باس ءىرى قارا سيىر مالى ساتىپ الىنىپ، جىلدىق جوسپار – 267،3 پايىزعا ورىندالدى. «التىن اسىق» باعدارلاماسىمەن 3540 باس ۇساق مالدار ساتىپ الىنىپ، جىلدىق جوسپار – 246،8 پايىزعا جانە «قۇلان» باعدارلاماسى بويىنشا 119 باس جىلقى ساتىپ الىنىپ، جىلدىق جوسپار 100 پايىزعا ورىندالدى. وسىلايشا مەملەكەتتىڭ دەڭگەيدە قابىلدانعان باعادارلامالار كەلەس اۋدانىندا مال شارۋاشىلىعىن دامىتۋعا سەرپىن بەرگەنىن ايتا كەتۋىمىز كەرەك.

 

Dalanews.kz