قازاقستاندىق شاحماتشى بيبٸسارا اساۋباەۆا 2025 جىلعى بليتس شاحماتتان ەلەم چەمپيوناتىندا جەڭٸسكە جەتتٸ, دەپ حابارلايدى Dalanews.kz.
ايتا كەتەيٸك, بليتس - جىلدام شاحماتتىڭ بٸر تٷرٸ.
فينالدا قازاقستاندىق سپورتشى ۋكراينالىق اننا مۋزىچۋكتى تٶرتٸنشٸ, شەشۋشٸ پارتييادا جەڭدٸ. بۇعان دەيٸنگٸ ٷش پارتييا تەڭ نەتيجەمەن اياقتالعان.
تۋرنير قاتار استاناسى دوحا قالاسىندا ٶتتٸ. اساۋباەۆا الدىمەن شۆەيتسارييالىق جٷيە بويىنشا ٶتكەن كەزەڭدە 15 تۋردىڭ قورىتىندىسى بويىنشا بٸرٸنشٸ ورىن الىپ, جارتىلاي فينالعا جولداما الدى.
جارتىلاي فينالدا ول قىتايلىق چجۋ تسزينەرگە قارسى ويىندا تولىق باسىمدىق تانىتىپ, ٷش پارتييانى قاتارىنان جەڭٸپ شىقتى.
فينالدا بيبٸسارا اساۋباەۆا ۋكراينا ٶكٸلٸ اننا مۋزىچۋكپەن كەزدەستٸ. العاشقى ٷش پارتييا تەڭ اياقتالىپ, تٶرتٸنشٸ, سوڭعى پارتييادا قازاقستاندىق شاحماتشى قارسىلاسىن تٸزە بٷكتٸرٸپ, چەمپيون اتاندى.
وسىلايشا بيبٸسارا اساۋباەۆا بليتس شاحماتتان ٷش دٷركٸن ەلەم چەمپيونى اتانعان قازاقستان تاريحىنداعى العاشقى شاحماتشى بولدى. بۇعان دەيٸن ول 2021 جەنە 2022 جىلدارى دا ەلەم چەمپيوناتىندا توپ جارعان.
مەملەكەت باسشىسى قاسىم-جومارت توقاەۆ بيبٸسارا اساۋباەۆانى شاحماتتىڭ بليتس تٷرٸنەن ەلەم چەمپيوناتىنداعى جەڭٸسٸمەن قۇتتىقتادى.
"بيبٸسارا اساۋباەۆا قازاقستاننان شىققان بليتستەن ٷش دٷركٸن ەلەم چەمپيونى جەنە مايتالمان شەبەر رەتٸندە دٷنيەجٷزٸلٸك شاحمات تاريحىنا ەندٸ. قازاقستاندىق شاحمات قاۋىمداستىعى مەملەكەتٸمٸزدٸڭ كٶك تۋىن جاھاندىق ارەنادا بيٸك جەلبٸرەتكەن وتانداسىمىزدىڭ جەڭٸسٸن ماقتان تۇتادى.
بيبٸسارا اساۋباەۆانىڭ حالىقارالىق جارىستارداعى ايتۋلى جەتٸستٸكتەرٸ مەن ەل شاحماتىن دامىتۋعا قوسقان ەلەۋلٸ ٷلەسٸ ٷشٸن ونى ٸٸ دەرەجەلٸ «بارىس» وردەنٸمەن ماراپاتتاۋ تۋرالى شەشٸم قابىلدادىم, – دەلٸنگەن قۇتتىقتاۋدا.
