بۇگىن استانا قالالىق سوتىندا اپەللياسيالىق القا بۇرىنعى مادەنيەت جانە سپورت ۆيسە-مينيسترى ەرلان قوجاعاپانوۆقا قاتىستى ءىستىڭ شەشىمىن جاريالادى، دەپ حابارلايدى Dalanews.kz.
ۇكىم وزگەرىسسىز قالدى
2018 جىلى قازاقستان مەن رەسەيدىڭ XV ءوڭىرارالىق ىنتىماقتاستىق فورۋمىن ۇيىمداستىرۋ كەزىندە قىزمەتتىك وكىلەتتىگىن تەرىس پايدالاندى دەگەن ايىپپەن قوجاعاپانوۆقا بەرىلگەن ءۇش جىل باس بوستاندىعىنان ايىرۋ جازاسى اپەللياسيادا كۇشىندە قالدىرىلدى.
تەرگەۋ مالىمەتىنشە، فورۋمدى وتكىزۋ بارىسىندا بيۋدجەتتەن 1 ميلليارد تەڭگە جىمقىرىلعان.
لياززات كوككوزوۆاعا دا جازا وزگەرىسسىز قالدى
ەرلان قوجاعاپانوۆپەن بىرگە بۇل ءىس بويىنشا بيزنەسۆۋمەن، SUCCESS K اگەنتتىگىنىڭ ديرەكتورى لياززات كوككوزوۆا دا سوتتالعان. ول اسا ءىرى كولەمدەگى الاياقتىق جاسادى دەپ تانىلىپ، بەس جىلعا باس بوستاندىعىنان ايىرىلعان ەدى.
اپەللياسيالىق سوت كوككوزوۆاعا قاتىستى وسى ۇكىمدى دە وزگەرىسسىز قالدىردى.
