ماقات اۋدانى اكىمى بولعان رينات يبراگيموۆ 2 جىل 3 ايدان كەيىن ءوز ارىزىنا سايكەس جۇمىستان بوساتىلدى، - دەپ حابارلايدى Dalanews.kz.
جەرگىلىكتى باسىلىم مالىمەتىنشە، ەكس-اكىمنىڭ جۇمىستان كەتۋى بۇرىنعى وتباسىلىق جاعدايىنا بايلانىستى ما، بەلگىسىز. رينات يبرگايموۆتىڭ بۇرىنعى جۇبايى اقمارال ۇمبەتقالييەۆا الەۋمەتتىك جەلدە ۆيدەوۇندەۋ جاريالاپ، بۇرىنعى كۇيەۋىنەن كورگەن ءزابىرىن جىپكە ءتىزىپ، بالالارىن وزىنەن زاڭسىز تۇردە تارتىپ العانىن، ءبىر جىل بويى كورسەتپەي قويعانىن ايتىپ، كومەك سۇراعان ەدى.
بۇل ۆيدەومالىمدەمە كوپشىلىك اراسىندا ءتۇرلى رەزونانس تۋعىزدى. ەكس-جۇبايىنىڭ ۆيدەوجازباسىنان كەيىن رينات يبراگيموۆ تە الەۋمەتتىك جەلىدەگى پاراقشاسىنا ۆيدەومالىمدەمە تاراتىپ، بۇرىنعى جۇبايىنىڭ ءسوزىن تەرىسكە شىعارا وتىرىپ، ب ا ق وكىلدەرىن اسىعىس قورىتىندى جاساماۋعا شاقىردى.
ارتىنشا وبلىستىق اكىمدىكتىڭ باسپا ءسوز قىزمەتى ءمان-جايدى انىقتاۋ ءۇشىن قىزمەتتىك تەرگەۋ ءجۇرىپ جاتقانىن مالىمدەدى.
24 مامىردا ماقات اۋدانىنىڭ اكىمى ءوز ەركىمەن جۇمىستان كەتتى.
قازىرگى كەزدە ونىڭ مىندەتىن اۋدان اكىمىنىڭ ورىنباسارى بەكادىل جايكين اتقارىپ جاتىر.
