بٸز بۇلشىقەتتەر مەن بۋىندار ارقاسىندا ەركٸن قوزعالىپ, سپورتپەن اينالىسامىز جەنە دەنەمٸزدٸ جەڭٸل سەزٸنەمٸز. بٸراق ولاردىڭ ساۋلىعىنا سٸز ويلاماعان كٶپتەگەن فاكتورلار ەسەر ەتەدٸ, دەپ حابارلايدى Dalanews.kz.
اعزا دۇرىس جۇمىس ٸستەۋٸ ٷشٸن وعان اقۋىز, كالتسيي, ماگنيي, D دەرۋمەنٸ, ومەگا-3 ماي قىشقىلدارى جەنە كوللاگەن قاجەت. بۇلاردى تەك قوسپالاردان ەمەس, تەڭگەرٸمدٸ تاماقتانۋ ارقىلى دا الۋعا بولادى. سونداي-اق كٷن سايىن جەتكٸلٸكتٸ ۇيىقتاۋ ٶتە ماڭىزدى — دەل سول كەزدە اعزا تٸندەردٸ قالپىنا كەلتٸرۋ پروتسەسٸن باستايدى.
ال كەيبٸر كٷندەلٸكتٸ ەدەتتەر بۋىندار مەن بۇلشىقەت تٸندەرٸنٸڭ جاعدايىنا كەرٸ ەسەر ەتەدٸ. ول قانداي ەدەتتەر?
1. قولدى جاستىقتىڭ استىنا قويىپ ۇيىقتاۋ
بۇل قالىپتا ۇزاق جاتۋ يىق بۋىنىنا ارتىق كٷش تٷسٸرٸپ, جٷيكەلەردٸ قىسادى. قول تابيعي ەمەس جاعدايدا جاتقاندىقتان, بۇلشىقەتتەر تارتىلادى, تاڭەرتەڭ ۇيىپ نەمەسە قوزعالىسى شەكتەلٸپ ويانۋىڭىز مٷمكٸن. بۇل ەدەت ۋاقىت ٶتە كەلە مويىن نەمەسە يىقتىڭ سوزىلمالى قابىنۋىنا ەكەلەدٸ.
2. سپورتپەن اينالىسپاۋ
قوزعالىس ازايعاندا بۇلشىقەتتەر يكەمسٸز, ال سٸڭٸرلەر قاتايىپ كەتەدٸ. بۇل دەنەنٸڭ قارتايۋىن جىلدامداتىپ, تٸپتٸ اۋىر زات كٶتەرمەي-اق, قاراپايىم ەرەكەتتەر كەزٸندە جاراقات الۋ قاۋپٸن ارتتىرادى. سوندىقتان تۇراقتى تٷردە جاياۋ جٷرٸڭٸز, يوگا نەمەسە جٷزۋمەن اينالىسىڭىز. كٷنٸنە 20–30 مينۋت جەڭٸل قوزعالىستىڭ ٶزٸ بۋىندار مەن بۇلشىقەتتەردٸ ۇزاق ۋاقىت ساۋ ساقتاۋعا كٶمەكتەسەدٸ.
3. شامادان تىس جٷكتەمە الۋ
ٶتە اۋىر جاتتىعۋلار دا زييان. ٷنەمٸ ٷلكەن سالماقپەن جاتتىعۋ شەمٸرشەكتەردٸ زاقىمداپ, قابىنۋ مەن ٶمٸر بويى مازالايتىن ميكروجاراقاتتارعا سەبەپ بولۋى مٷمكٸن.
4. جاتتىعۋدى قىزدىرىنباي باستاۋ
قىزدىرىنباي جاتتىعۋدى باستاۋ — جاراقات الۋدىڭ تٸكەلەي جولى. سۋىق سٸڭٸرلەر وڭاي سوزىلادى, ال كەنەت قوزعالىستار سپازم نەمەسە تارتىلۋعا ەكەلەدٸ. 20 مينۋت جاتتىعۋ جاساساڭىز دا, 5–10 مينۋت قىزىپ الۋ كەرەگٸن ۇمىتپاڭىز: بۋىندارعا اينالمالى قيمىلدار, بٸر ورىندا تۇرىپ سەكٸرۋ, ديناميكالىق سوزىلۋ. بۇل دەنەنٸ جاتتىعۋعا دايىندايدى.
5. ٷستەلدە ۇزاق وتىرۋ
بٸر قالىپتا كٶپ وتىرۋ ارقا مەن مويىن بۇلشىقەتتەرٸن قاتايتىپ, قان اينالىمىن ناشارلاتادى. نەتيجەسٸندە شارشاۋ پايدا بولادى, ۋاقىت ٶتە سوزىلمالى اۋىرسىنۋعا اينالادى. ەر ساعات سايىن ورنىڭىزدان تۇرىپ, جەڭٸل قوزعالىس جاساڭىز: بٸرنەشە قادام جٷرٸپ, يٸلٸپ, يىقتى اينالدىرىپ قويىڭىز.
6. اۋىر سٶمكەنٸ تەك بٸر يىققا اسۋ
سالماقتىڭ تەڭ بٶلٸنبەۋٸ ومىرتقاعا زييان, بۇلشىقەتتەردٸ تارىلتادى جەنە ومىرتقاارالىق ديسكٸلەردٸڭ جىلجۋىنا ەكەلۋٸ مٷمكٸن. ۇزاق مەرزٸمدە دەنە اسيممەتريياسى پايدا بولىپ, ونىڭ سالدارى اۋىرسىنۋعا ۇلاسادى.
7. ىڭعايسىز اياق كيٸم كييۋ
تٸك تابان دا, قاتتى بيٸك ٶكشە دە بۋىندارعا بٸردەي زييان. مۇنداي اياق كيٸمدە كٷندە جٷرۋ تٸزە مەن ومىرتقاعا ارتىق كٷش تٷسٸرٸپ, تاباننىڭ تابيعي امورتيزاتسيياسىن بۇزادى. سوندىقتان 2–4 سم ٶكشەسٸ بار, تابانى ىڭعايلى, تٸرەۋٸش بٶلٸگٸ جاقسى اياق كيٸم تاڭداڭىز. قوسىمشا رەتٸندە ورتوپەدييالىق ۇلتاراق قولدانۋعا بولادى.
8. بٷكٸرەيٸپ جٷرۋ, دۇرىس وتىرماۋ
بٷكٸرەيٸپ ۇزاق وتىرعاندا يىق العا شىعىپ, مويىن بۇلشىقەتتەرٸ شامادان تىس جۇمىس ٸستەيدٸ. ارى قاراي — قىسىلۋلار, سوزىلمالى اۋىرسىنۋ جەنە ومىرتقا قيسايۋى مٷمكٸن.
9. سۋدى از ٸشۋ
بۋىندارعا دا سۋ قاجەت. شەمٸرشەكتەر سينوۆيالدى سۇيىقتىق ارقىلى «مايلانادى». ەگەر اعزا سۋسىزدانسا, بۇل سۇيىقتىق قويۋلانىپ, بۋىندار تەز توزادى.
10. اۋىرسىنۋدى ەلەمەۋ
دەنە بەلگٸلەرٸن ەلەمەۋ — سوزىلمالى اۋرۋلارعا اپاراتىن ەدەت. جاراقاتتانعان نەمەسە شامادان تىس شارشاعان بۇلشىقەتتەر مەن بۋىندار ٶزدٸگٸنەن جازىلمايدى. كەرٸسٸنشە, جاعدايدى ۋشىقتىرا بەرەدٸ.
