بۇنىڭ الدىندا ينسپەكتسييا Twitter, TikTok جەنە "ۆكونتاكتە" جەلٸلەرٸنٸڭ جۇمىسىنا شەكتەۋ ەنگٸزگەن. ەلدە Skype مەسسەندجەرٸ دە جۇمىس ٸستەمەي تۇر.
ول كەزدە مەسسەندجەرلەر جۇمىسى ازاماتتاردىڭ "جەكە مەلٸمەتتەرٸن سۇرىپتاۋ جٶنٸندەگٸ زاڭ ەرەجەلەرٸن بۇزعانى" ٷشٸن شەكتەلدٸ دەلٸنگەن. بٸراق مەملەكەتتٸك ينسپەكتسييا تاراتقان مەلٸمەتتە WeChat تۋرالى ەشتەڭە ايتىلماعان.
مەكەمە تاراتقان مەلٸمەتتە شەكتەۋلەر "انىقتالعان كەمشٸلٸكتەر دۇرىستالعان سوڭ" الىناتىنى حابارلاندى.
ەسكە سالايىق, جاقىندا ٶزبەكستان پرەزيدەنتٸ شاۆكات ميرزيياەۆ TikTok قولدانۋشىلاردى قولباسشى ەمٸر تەمٸر مەن اقىن ەلٸشەر ناۋايدٸڭ تاريحي ەسكەرتكٸشتەرٸن قورلادى دەپ سىناعان.
سامارقاند وبلىسىندا تۇراتىن ينومجون پارداەۆ ەسٸمدٸ تيكتوكەر قالاداعى ورتالىق ساياباقتا ورنالاسقان ەلٸشەر ناۋاي ەسكەرتكٸشٸنٸڭ تۇسىندا روليك تٷسٸرٸپ, ەيگٸلٸ ٶزبەك اقىنىنا تٸل تيگٸزگەن ەدٸ. ونى ناقۇرىسقا تەڭەپ, اقىننىڭ اتىن بۇزىپ ايتىپ, شىعارماشىلىعىن كەلەمەجدەگەن.
بۇل ۆيدەو لەزدە ەلەمجەلٸگە تاراپ بلوگەردٸڭ ەرەكەتٸ حالىقتىڭ اشۋىن تۋعىزعان ەدٸ. كەيٸن وسى روليكتٸ تٷسٸرگەن ەكٸ تيكتوكەر ۇستالىپ, 15 كٷنگە قاماۋعا الىندى. “كٷللٸ ٶزبەكستاندى ۇياتقا قالدىردىق. وسى ەرەكەتٸمٸز ٷشٸن قاتتى ٶكٸنەمٸز, حالىقتان كەشٸرٸم سۇرايمىز”, – دەستٸ بلوگەرلەر.
بۇل جايت ٶزبەك باسشىسىن دا بەي-قاي قالدىرمادى. “جاستار فورۋمىندا” اتالعان جايتقا ارنايى توقتالعان ميرزيياەۆ تيكتوكەرلەردٸ تەرتٸپكە سالۋ تۋرالى تاپسىرما بەرگەن.
“بۇلار (تيكتوكەرلەر, رەد.) بەتٸمەن كەتٸپ بارادى! حايپ قۋعان قاۋىمعا “ەي, دەر ەجە, قوي, دەر قوجا” تابىلماي تۇر. الدىمەن ەمٸر تەمٸردٸڭ ەسكەرتكٸشٸن قورلاعان ەدٸ. كەيٸن ەكٸنشٸ دٷنيەجٷزٸلٸك سوعىستا قازا تاپقان 400 مىڭعا جۋىق ٶزبەك جاۋىنگەرٸنە قۇرمەت ەتٸپ قويىلعان “ازالى انا” ەسكەرتكٸشٸنٸڭ تٶبەسٸنە شىعىپ كەتتٸ.
ۇلتىمىزدىڭ ەيگٸلٸ تۇلعاسى ەلٸشەر ناۋايدٸ كەمسٸتٸپ, اۋزىنا كەلگەندٸ كٶكٸدٸ. كەيبٸر كٶرگەنسٸز جاستاردىڭ تەرتٸبٸن تەزگە سالۋ قاجەت. بۇلاردىڭ اتا-اناسى, اتا-ەجەسٸ, مەكتەپتەگٸ مۇعالٸمٸ قايدا قاراعان, بالاعا قانداي تەلٸم بەرۋدە?”, – دەپ قاپالانعان ەدٸ ميرزيياەۆ.
بۇدان بىلاي قوعامي قۇندىلىقتارعا قايشى ەرەكەتكە بارعان تيكتوكەرلەر قاتاڭ جازالاناتىن بولادى. وسىنداي پەرمەن بەرگەن ٶزبەك پرەزيدەنتٸ “قازٸردەن قامدانباساق, ەرتەڭ كەش بولادى” دەپ وتىر.
“جاستار فورۋمىندا” سٶز سٶيلەگەن ميرزيياەۆ جاس وتباسىلاردىڭ اراسىندا اجىراسۋدىڭ جيٸلەپ كەتكەنٸن, دەسترۋكتيۆتٸ اعىمداردىڭ جەتەگٸنە ەرٸپ, دەستٷرلٸ دٸننەن تەرٸس اينالعان جاستاردىڭ كٶبەيٸپ جاتقانىنا الاڭدايتىنىن ايتقان.
“سوڭعى 5 ايدا 7 مىڭعا جۋىق جاس قىلمىسقا بارعان. 40 مىڭنان اسا جاسٶسپٸرٸم مەن بوزبالالار پوليتسييانىڭ ەسەبٸندە تۇر. بۇل جاستارمەن مٷلدە جۇمىس جٷرگٸزبەيتٸنٸمٸزدٸڭ بەلگٸسٸ” دەگەن ەدٸ ول.
شٸلدەنٸڭ باسىندا نامانگان وبلىسىنىڭ باسشىسى شاۆكاتجون ابدۋرازاكوۆ جاستاردىڭ كٶبٸرەك كٸتاپ پەن گازەت وقۋى ٷشٸن ەلەۋمەتتٸك جەلٸلەردٸ بٸر ايعا ٶشٸرۋدٸ ۇسىنعان. وعان جاۋاپ بەرگەن دەپۋتات راسۋل كۋشەرباەۆ "اقپارات زامانىندا ەلەۋمەتتٸك جەلٸلەردٸ شەكتەۋ اقىلعا قونىمسىز شەشٸم" دەپ مەلٸمدەگەن.
https://www.youtube.com/watch?v=wWkXbRpDa7k
