ساراپشى پٸكٸرٸنشە باعدارلاماداعى شيكٸلٸكتەر «وتباسى بانكٸنٸڭ» يپوتەكانى جەڭٸلدٸكپەن بەرەتٸن شىنايى قارجى ينستيتۋتىنا اينالۋىنا كەدەرگٸ كەلتٸرۋدە.
«ماعان تۇرعىن-ٷي قۇرىلىس جيناق بانكٸن باسقارىپ وتىرعان ۇجىمنىڭ ٸسكەرلٸگٸ ۇنايدى. ولار ٶز تاراپىنان بانك جۇمىسىن جاقسارتۋدا قولىنان كەلگەندٸ ٸستەۋدە. الايدا بانكتٸڭ قابىرعاسى قالانعان ۋاقىتتا ەزٸرلەنگەن يپوتەلٸك باعدارلامالاردىڭ كەمشٸلٸگٸ كٶپ. تۋراسىن ايتقاندا بۇل جوبالار قارجى ۇيىمىنىڭ ەلەۋمەتتٸك باعىتتى ۇستانعان پوزيتسيياسى مەن تۇرعىن-ٷي ساياساتىنا ساي ەمەس.
پەتەر الۋشىعا جەڭٸلدٸكپەن بەرٸلگەندەي كٶرٸنەتٸن بانك يپوتەكاسىنىڭ پايىزى شىن مەنٸندە نارىقتاعى باعادان دا جوعارى», – دەيدٸ قۇدايبەرگەنوۆ.
ونىڭ ايتۋىنشا بانك كرەديت بەرمەس بۇرىن الدىن-الا تٶلەم رەتٸندە باسپانا باعاسىنىڭ 50 پايىزىن شوتقا جيناۋدى تالاپ ەتەدٸ. الايدا قارىزدى وسى سومانىڭ ٷستٸنەن تۇتاس رەسٸمدەيدٸ. بىلايشا ايتقاندا سالىمشىنىڭ ماڭداي تەرمەن تاپقان قاراجاتىن ٶزٸنە قارىز رەتٸندە بەرەدٸ.
«وسىنىڭ كەسٸرٸنەن جەڭٸلدٸكپەن بەرٸلگەندەي كٶرٸنەتٸن 7 پايىز شىن مەنٸندە 14 پايىزعا ٶسٸپ شىعا كەلەدٸ. بۇل ەكٸنشٸ دەڭگەيلٸ بانكتەردٸڭ پايىزدىق مٶلشەرلەمەسٸنەن اسىپ تٷسەدٸ», – دەيدٸ ەكونوميست.
قۇدايبەرگەنوۆتٸڭ اتاپ ٶتكەنٸندەي تۇرعىن-ٷي جيناق بانكٸندەگٸ پايىزدىق مٶلشەرمە بانك تاراپىنان بەرٸلگەن ناقتى نەسيەنٸڭ نەگٸزٸندە رەسٸمدەلۋٸ تيٸس. سالىمشىنىڭ سالعان اقشاسى بۇل ساناتقا كٸرمەۋٸ كەرەك.
«وتباسى بانكٸندەگٸ ەسەپ-شوتىن ۇدايى تولىقتىرىپ وتىراتىن سالىمشىلار سىياقى الادى. الايدا مۇنداي مٷمكٸندٸگٸ جوق نەمەسە وسى بانكتەن شوت اشپاعان ازاماتتاردى مٶلشەرلەمەسٸ جوعارى كرەديتپەن «جازالاۋ» قاتەلٸك. بانكتٸڭ نەگٸزگٸ نەسيەلەۋ مٶلشەرلەمەسٸ 7 پايىزداۋ اسپاۋى كەرەك.
تۇتاستاي العاندا تۇرعىن-ٷي دەپوزيتٸ مەن نەسيەلەۋ ساياساتى ٷكٸمەتتٸڭ وسى باعىتتاعى جۇمىستى ەدٸل ٷلەستٸرگەنٸن كٶرسەتۋگە تيٸس ەدٸ. جەكە ينستيتۋت مۇنىڭ ەسەبٸنەن تابىس تابۋعا مٸندەتتٸ ەمەس», – دەيدٸ ەكونوميست.
