5 ماۋسىمنان باستاپ قازاقستاندا بٸرىڭعاي جيناقتاۋشى زەينەتاقى قورىنداعى (بجزق) جيناقتى مەرزٸمٸنەن بۇرىن پايدالانۋ تەرتٸبٸ ٶزگەرەدٸ. تيٸستٸ قاۋلىعا پرەمەر-مينيستر ولجاس بەكتەنوۆ قول قويعان, دەپ حابارلايدى dalanews.kz.
جاڭا ەرەجەگە سەيكەس, ەندٸ زەينەتاقى جيناعىنداعى «جەتكٸلٸكتٸلٸك شەگٸ» جاڭارتىلعان ەدٸستەمە بويىنشا ەسەپتەلەدٸ. سونىڭ نەتيجەسٸندە كٶپتەگەن ازامات ٷشٸن شوتتا ساقتالۋى تيٸس ەڭ تٶمەنگٸ سوما ۇلعايۋى مٷمكٸن. بۇل تۇرعىن ٷي ساتىپ الۋعا, يپوتەكالىق قارىزدى ٶتەۋگە نەمەسە ەمدەلۋگە پايدالانۋعا بولاتىن ارتىق قاراجات كٶلەمٸنٸڭ ازايۋىنا ەسەر ەتۋٸ ىقتيمال.
بۇعان دەيٸن قولدانىستا بولعان تالاپتار بويىنشا زەينەتاقى جيناعىنىڭ بٸر بٶلٸگٸن الۋ ٷشٸن ٶتٸنٸمدەردٸ 4 ماۋسىمعا دەيٸن بەرۋ قاجەت ەدٸ. ٶتٸنٸمدەر ارنايى پلاتفورما ارقىلى قابىلداندى.
ەڭبەك جەنە حالىقتى ەلەۋمەتتٸك قورعاۋ مينيسترٸ اسقاربەك ەرتاەۆتىڭ ايتۋىنشا, زەينەتاقى جيناعىن مەرزٸمٸنەن بۇرىن پايدالانۋ مٷمكٸندٸگٸ ساقتالادى.
«زەينەتاقى جيناعىن مەرزٸمٸنەن بۇرىن پايدالانۋ مٷمكٸندٸگٸ جويىلمايدى. دەگەنمەن, جٷيەنٸڭ نەگٸزگٸ ماقساتى – ازاماتتاردى زەينەت جاسىندا تۇراقتى تابىسپەن قامتاماسىز ەتۋ», – دەدٸ مينيستر.
جاڭا ەدٸستەمە بويىنشا جەتكٸلٸكتٸلٸك شەگٸن ەسەپتەۋ كەزٸندە ازاماتتىڭ قازٸرگٸ جاسى, زەينەتكە دەيٸنگٸ كەزەڭٸ, كٷتٸلەتٸن ٶمٸر سٷرۋ ۇزاقتىعى, بولاشاق جارنالار كٶلەمٸ, ينۆەستيتسييالىق تابىس جەنە زەينەتاقى تٶلەمدەرٸنٸڭ جىل سايىنعى ٶسۋ قارقىنى ەسكەرٸلەدٸ.
ٷكٸمەت جارييالاعان ەسەپتەۋ تەرتٸبٸنە سەيكەس, زەينەتاقى جيناعىنىڭ بولجامدى ينۆەستيتسييالىق تابىستىلىعى جىلىنا 9 پايىز, ال بولاشاق تٶلەمدەردٸڭ ٶسٸمٸ 8 پايىز دەڭگەيٸندە قاراستىرىلادى.
سونىمەن قاتار, ازاماتتار زەينەتاقى جيناعىنداعى ارتىق قاراجاتتى بۇرىنعىداي تۇرعىن ٷي ساتىپ الۋعا, يپوتەكانىڭ باستاپقى جارناسىن تٶلەۋگە نەمەسە قارىزدى ٶتەۋگە, كەيٸن ساتىپ الۋ قۇقىعىمەن جالعا الۋعا, تۇرعىن ٷي جيناقتارىنا اۋدارۋعا, ەمدەلۋگە جەنە ينۆەستيتسييالىق باسقارۋعا بەرۋگە پايدالانا الادى.
