– بۇل مەكەننٸڭ دامۋ پوتەنتسيالى جوعارى. قاسىندا تەمٸرجول ستانساسى بار, وبلىس ورتالىعىنا جاقىن ورنالاسقان. جاڭا مەكتەپكە تۇرعىنداردىڭ دەن ريزا بولعانىن بايقادىق. مەكتەپ – ماڭىزدى ينفراقۇرىلىمدىق نىسان. ونىڭ ارقاسىندا جاس مامانداردى, وتباسىلاردى تارتىپ, اۋىلعا جان بٸتٸرۋگە بولادى. بۇل – ەلدٸمەكەننٸڭ دامۋىنا تىڭ سەرپٸن بولارى دا انىق, – دەدٸ وبلىس ەكٸمٸ.
سونىمەن قاتار ول قوسقۇدىقتا مەكتەپ سالۋدى قولعا العان دەۋرەن الدابەرگەنگە, «حالىق يگٸلٸگٸ» قوعامدىق قورىنا العىسىن ايتتى.
ەكٸم العىس ايتقان دەۋرەن الدابەرگەن وبلىستىڭ بۇرىنعى ەكٸمٸ قانات بوزىمباەۆتىڭ بالاسى.
دەۋرەن الدابەرگەن دوستارىمەن بٸرٸگٸپ, 750 ميلليون تەڭگەگە 100 ورىندىق مەكتەپ سالىپتى. ونىمەن شەكتەلمەي مەكتەپكە قاجەتتٸ زاماناۋي وقۋ قۇرال جابدىقتارىن الىپ بەرگەن.
مەسەلەن, جاڭا مەكتەپتە 24 وقۋ كابينەتٸ, 2 شەبەرحانا, كومپيۋتەرلٸك سىنىپ, 3 ارنايى كابينەت (فيزيكا, حيمييا, بيولوگييا), 3 ينتەراكتيۆتٸ تاقتا, اكت جەنە سپورت زالدارى, 60 ورىندىق اسحانا, وقۋ زالى بار كٸتاپحانا, مەديتسينالىق كابينەت بار.
مەكتەپتە 20 مۇعالٸم قىزمەت ەتەدٸ. قاجەتكە جارار دەپ جاڭا كٶلٸك تە سىيلادى.
قوسقۇدىقتاعى بۇرىنعى مەكتەپ 1952 جىلى سالىنعاندىقتان ەسكٸرٸپ, توزعان سوڭ تۇرعىندار قانات بوزىمباەۆقا ەكٸم كەزٸندە مەكتەپ سالىپ بەرۋگە ٶتٸنٸش ايتقان.
– ەكٸم رەتٸندە وسى اۋىلعا كەلگەنٸمدە بٸرٸنشٸ جايىلىم جەردٸڭ, ەكٸنشٸ مەديتسينالىق پۋنكت پەن مەكتەپتٸڭ مەسەلەسٸ شىقتى. جايىلىم جەردٸ تۇرعىندارعا قايتارتىپ بەرگٸزدٸك. مەديتسينالىق پۋنكت تە شەشٸلدٸ.
ال مەكتەپتٸ بيۋدجەت ەسەبٸنەن سالۋعا ۋاقىت كەرەك بولدى. ونىڭ ٷستٸنە بيۋدجەتتە بٸرٸنشٸ ٷلكەن اۋىلدارعا باسىمدىق بەرٸلەدٸ. وسىنى ەستٸگەن بالام قايىرىمدىلىق قورىن قۇرىپ, دوستارىمەن بٸر جىلدىڭ ٸشٸندە سالىپ بەردٸ.
سٶيتٸپ, ەلگە بەرگەن ۋەدەمدٸ ورىنداپ, مەنٸ دە, اۋىل تۇرعىندارىن دا قۋانتتى. جالپى, قوسقۇدىق تەمٸر جول بويىنداعى ستانتسييا بولعاندىقتان ٷنەمٸ جۇمىس بولادى.
سوسىن, بۇل اۋىلدا كٸرپٸش زاۋىتى بار. جاقىن ارادا قوناەۆ قالاسىندا قۇرىلىس قىزۋ جٷرە باستايدى. ەلەۋمەتتٸك ينفراقۇرىلىمدى جاڭارتۋ عانا قالدى. جاڭا مەكتەپپەن بۇل اۋىلدىڭ جاڭا دەۋٸرٸ باستالادى, – دەدٸ قانات بوزىمباەۆ.
سونداي-اق ول بالاسىنىڭ «حالىق يگٸلٸگٸ» قوعامدىق قورى ەلدە بيۋدجەت كەزٸگە جەتپەي جاتقان مەسەلەلەردٸ شەشۋگە الداعى ۋاقىتتا دا كٶمەكتەسەتٸنٸنە سەنٸم بٸلدٸردٸ.
جالپى, الماتى وبلىسىندا 456 مەكتەپ بولسا, وندا 330 مىڭنان استام وقۋشى بٸلٸم الادى. وبلىستا ٷش اۋىسىمدى وقۋ مەسەلەسٸن جويۋ ٶزەكتٸ مەسەلەنٸڭ بٸرٸ.
