بٸرجان حاسانعاليەۆ قازاقستان رەسپۋبليكاسى مەدەنيەت جەنە اقپارات مينيسترلٸگٸنە قاراستى بٸلٸم بەرۋ ۇيىمىنىڭ باسشىسى رەتٸندەگٸ كٶپجىلدىق قىزمەتٸن اياقتاعانىن حابارلادى, دەپ جازادى dalanews.kz.
ول بۇل تۋرالى ەلەۋمەتتٸك جەلٸدەگٸ پاراقشاسىندا جازىپ, ەڭبەك جولىنداعى ماڭىزدى كەزەڭگە توقتالدى.
"قۇرمەتتٸ دوستار! بٷگٸن قازاقستان رەسپۋبليكاسى مەدەنيەت جەنە اقپارات مينيسترلٸگٸنە قاراستى بٸلٸم بەرۋ ۇيىمىنىڭ باسشىسى رەتٸندەگٸ كٶپجىلدىق قىزمەتٸم اياقتالدى. بۇل ٶمٸرٸمدەگٸ ٶتە قىزىقتى, ەستە قالارلىق جەنە ەڭ باستىسى, ماڭىزدى كەزەڭ بولدى. كٶپتەگەن ٸس اتقاردىم جەنە سول ەڭبەگٸمنەن زور لەززات الدىم", – دەپ جازدى ول.
بٸرجان حاسانعاليەۆ ۇزاق جىلدار بويى ەلٸمٸزدەگٸ جەتەكشٸ بٸلٸم بەرۋ ۇيىمدارىنىڭ بٸرقاتارىن باسقارعانىن اتاپ ٶتتٸ. ونىڭ سٶزٸنشە, ول پ.ي. چايكوۆسكيي اتىنداعى الماتى مۋزىكالىق كوللەدجٸنە جەتەكشٸلٸك ەتكەن. سونداي-اق بەلگٸلٸ بٸر كەزەڭدە ورال تاڭسىقباەۆ اتىنداعى الماتى سەندٸك-قولدانبالى ٶنەر كوللەدجٸن دە باسقارعان.
"ۇزاق جىلدار بويى ەلٸمٸزدٸڭ جەتەكشٸ وقۋ ورىندارى – پ.ي. چايكوۆسكيي اتىنداعى الماتى مۋزىكالىق كوللەدجٸن, سونداي-اق از ۋاقىت ورال تاڭسىقباەۆ اتىنداعى الماتى سەندٸك-قولدانبالى ٶنەر كوللەدجٸن باسقارعانىما قۋانىشتىمىن. بۇل كەزەڭ مەنٸڭ جادىمدا مەڭگٸ ساقتالادى", – دەدٸ بٸرجان حاسانعاليەۆ.
ول اتقارعان قىزمەتٸن ٶمٸرٸندەگٸ ماڭىزدى ەرٸ ەستە قالارلىق كەزەڭدەردٸڭ بٸرٸ رەتٸندە باعالادى.
