بۇگىن الماتىدا ناۋرىز مەرەكەسىنىڭ كوركىن قىزدىرا تۇسەتىن ەرەكشە شارا وتپەك. قالالىق ءبىلىم باسقارماسىنىڭ باستاماسىمەن ۇيىمداستىرىلاتىن "دومبىرا ءۇنى" اتتى كەڭ اۋقىمدى اكسيادا مىڭداعان جاس ونەرپاز باس قوسادى، دەپ حابارلايدى Dalanews.kz.
17 ناۋرىز كۇنى ساعات 13:00-دە "الماتى ارەنادا" 6–10 سىنىپ وقۋشىلارىنان قۇرالعان 11 مىڭ دومبىراشى ءبىر مەزەتتە كۇي ورىندايدى. ۇلتتىق رۋحتى اسقاقتاتاتىن بۇل كورىنىس كوپشىلىككە ۇمىتىلماس اسەر سىيلايتىنى ءسوزسىز.
ۇيىمداستىرۋشىلاردىڭ ايتۋىنشا، بۇل جوبا - ەل تاريحىنداعى ەڭ ءىرى مۋزىكالىق باستامالاردىڭ ءبىرى. شارانىڭ باستى ماقساتى – ۇلتتىق مۇرانى دارىپتەپ قانا قويماي، جاڭا رەكوردقا قول جەتكىزۋ.
