دەپۋتاتتىڭ ايتۋىنشا, ٷكٸمەتتٸڭ ٸندەتپەن كٷرەسكە تولىق دايىندىعى بولعان, بيۋدجەت قازىناسىنان دا قىرۋار قارجى بٶلٸنگەن. بٸراق قولداعى تسيفرلار, كەرٸسٸنشە ولاردىڭ بۇل ٸستٸ دۇرىس اتقارا الماعانىنىڭ سالدارى ەكەنٸن ايقىنداپ وتىر.
- بۇل كەزدە كەيبٸر مەملەكەتتٸك ورگانداردىڭ قابٸلەتسٸزدٸگٸ, جاۋاپسىزدىعى مەن اتقارعان جۇمىسىنىڭ تيٸمسٸزدٸگٸنٸڭ سالدارى انىق كٶرٸندٸ, بۇل اششى دا بولسا شىندىق. ەندٸ وسىنىڭ بەرٸنەن بٸز قورىتىندى جاساپ, جاعدايدى تٷزەتۋگە تىرىسپاساق, الدا ول الدىمىزدان شىعىپ, وڭدىرماسى انىق.
قۇرمەتتٸ اسقار ۇزاقپايۇلى, سٸزدەن وسىندا - پارلامەنتكە كەلٸپ, حالىق الدىندا, بٸزدەرگە - حالىق ٶكٸلدەرٸنە كوۆيد-19-پەن كٷرەس بويىنشا جٷرگٸزٸلگەن جۇمىستاردىڭ نەتيجەلەرٸ, بٶلٸنگەن وراسان زور قاراجاتتى پايدالانۋ تۋرالى ەگجەي-تەگجەيلٸ ەسەپ بەرۋٸڭٸزدٸ سۇرايمىن.
كوروناۆيرۋس قۇرباندارى نەگە كٶپ, قازٸرگٸ شاراسىز جاعدايدىڭ سەبەپتەرٸنە نە سەبەپ بولدى? بۇل ساۋالدار جاۋاپ بەرۋدٸ كٷتەدٸ. جارايدى, دەنساۋلىق ساقتاۋ مينيسترٸن ورنىنان الىپ تاستادىق, وسىمەن سوندا ٸس بٸتتٸ مە? بۇل جاعدايعا, ٶتكەن قاتەلٸكتەرگە سوندا ەشكٸم جاۋاپ بەرمەي مە? وعان كٸم جاۋاپ بەرۋٸ كەرەك, - دەيدٸ ٶز ساۋالىندا دەپۋتات.
سونىمەن قاتار, ول ٷكٸمەت باسشىسىنا كەيبٸر مەملەكەتتٸك ورگانداردىڭ ٶز مٸندەتٸن دۇرىس ورىنداي الماۋىنىڭ سەبەبٸ مەن سالدارى بويىنشا جاعدايدى تالداۋدى دا ۇسىندى. ول ٷكٸمەت باسشىسىنا كٶپ سوزباي, قىسقا مەرزٸم ٸشٸندە پارلامەنتكە كەلٸپ, تەز ارادا بۇل مەسەلەگە قاتىستى ەسەپ بەرۋٸن سۇرادى.
