جالپى بىلاي بولعان سيياقتى: رەسەي وسى ۆاكتسينانى دا ساياساتقا اينالدىرىپ, بٸرٸنشٸ بولۋعا تىرىسىپ, ەلٸ تولىق تەكسەرۋدەن ٶتپەگەن, سالدارى بەلگٸسٸز پرەپاراتتى اينالىمعا شىعارىپ, نەعۇرلىم كٶبٸرەك ەلدەرگە ساتۋعا تىرىسقان. جانتالاسا ەركٸممەن كەلٸسٸم-شارتتارعا وتىرا بەرگەن. ول شارتتى كەيٸن ورىنداي الا ما, جوق پا - وعان قاراماعان.
قورىتىندىسىندا ەندٸ نە بولىپ جاتىر? رف-نىڭ ٶزٸندە دۇرىس ٶندٸرٸس جوق, بارىنىڭ قۋاتى جەتپەيدٸ, سودان كەلٸپ كەلٸسٸم-شارتتارىن ورىنداي الماي جاتىر. ونىڭ ٷستٸنە ۋفاداعى نەگٸزگٸ فارماتسەپتيكالىق زاۋىتتان شۋ شىققان, وندا ٶندٸرٸلگەن پرەپاراتتاردىڭ ستەريلدٸگٸ كٷدٸك تۋعىزىپ وتىر. بۇل بٸر جاعى.
ەكٸنشٸدەن, پرەپارات تولىق تەكسەرۋدەن ٶتپەگەن, سوڭعى نەتيجەسٸ نە بولىپ شىعارى بەلگٸسٸز. ونىڭ ٷستٸنە "سپۋتنيك" ەكپەسٸن العانداردىڭ قايتا اۋىرىپ قالعاندارى دا جەتەرلٸك ەكەن. ول جٶنٸندە ناقتى مەلٸمەتتەر جاسىرىن. الايدا رەسەي دەرٸگەرلەرٸنٸڭ ٶز ٸشٸندە وسى ەكپەگە قارسىلار كٶپ-اق.
ەركٸمنٸڭ دەنساۋلىعى ٶزٸنە عانا كەرەك, بۇل جەرگە ساياساتتى ارالاستىرۋ تٸپتٸ ورىنسىز-اق.
سوعان قاراماستان بٸزدٸڭ ٷكٸمەتتٸڭ جانتالاسۋى, ەلٸ ٶندٸرٸسكە شىقپاعان "سپۋتنيككە" بٸرٸنشٸ بارىپ "قۇدا" تٷسۋٸ, ٷش ەسەدەن استام قىمباتقا الۋى (ەگەر فب-داعى كەيبٸر مەلٸمەتتەرگە سەنسەك), ەندٸ كەلٸپ ارتىق الىنعان سول پرەپاراتتى ٸسكە قوسۋ ٷشٸن زورلاپ ەكپە الدىرۋعا يتەرمەلەۋٸ تٸپتٸ اقىلعا سىيمايتىن, مورالعا جات نەرسە.
ٶكٸنٸشكە وراي بۇعان توقتام سالاتىن دا ەشكٸم بولماي تۇر, ٶيتكەنٸ وسىنىڭ بەرٸن ۇيىمداستىرۋشى - بيلٸكتٸڭ ٶزٸ.
ەلٸ دە كەش ەمەس. دسۇ-مەن كەلٸسٸلگەن, تيٸمدٸلٸگٸ زەرتحانالىق جاعدايدا تەكسەرٸلگەن, دامىعان باتىس ەلدەرٸندە قولدانىلىپ جاتقان پفايزەر, مودەرنا ەكپەلەرٸن ەكەلٸپ ەكسە, بەرٸمٸز دە سول ەكپەنٸ الۋعا قارسى بولماس ەدٸك. ەيتپەسە بٸردە-بٸر تيياناقتى بٸتٸرگەن ٸسٸ جوق مىناداي ٷكٸمەتكە قالايشا سەنۋگە بولادى?
قۋانىش ەدٸلحانتەگٸ
