Jalpy bylai bolǵan siiaqty: Resei osy vaktsinany da saiasatqa ainaldyryp, birinshi bolýǵa tyrysyp, áli tolyq tekserýden ótpegen, saldary belgisiz preparatty ainalymǵa shyǵaryp, neǵurlym kóbirek elderge satýǵa tyrysqan. Jantalasa árkimmen kelisim-sharttarǵa otyra bergen. Ol shartty keiin oryndai ala ma, joq pa - oǵan qaramaǵan.
Qorytyndysynda endi ne bolyp jatyr? RF-nyń ózinde durys óndiris joq, barynyń qýaty jetpeidi, sodan kelip kelisim-sharttaryn oryndai almai jatyr. Onyń ústine Ýfadaǵy negizgi farmatseptikalyq zaýyttan shý shyqqan, onda óndirilgen preparattardyń sterildigi kúdik týǵyzyp otyr. Bul bir jaǵy.
Ekinshiden, preparat tolyq tekserýden ótpegen, sońǵy nátijesi ne bolyp shyǵary belgisiz. Onyń ústine "Spýtnik" ekpesin alǵandardyń qaita aýyryp qalǵandary da jeterlik eken. Ol jóninde naqty málimetter jasyryn. Alaida Resei dárigerleriniń óz ishinde osy ekpege qarsylar kóp-aq.
Árkimniń densaýlyǵy ózine ǵana kerek, bul jerge saiasatty aralastyrý tipti orynsyz-aq.
Soǵan qaramastan bizdiń úkimettiń jantalasýy, áli óndiriske shyqpaǵan "Spýtnikke" birinshi baryp "quda" túsýi, úsh eseden astam qymbatqa alýy (eger fb-daǵy keibir málimetterge sensek), endi kelip artyq alynǵan sol preparatty iske qosý úshin zorlap ekpe aldyrýǵa itermeleýi tipti aqylǵa syimaityn, moralǵa jat nárse.
Ókinishke orai buǵan toqtam salatyn da eshkim bolmai tur, óitkeni osynyń bárin uiymdastyrýshy - biliktiń ózi.
Áli de kesh emes. DSU-men kelisilgen, tiimdiligi zerthanalyq jaǵdaida tekserilgen, damyǵan Batys elderinde qoldanylyp jatqan pfaizer, moderna ekpelerin ákelip ekse, bárimiz de sol ekpeni alýǵa qarsy bolmas edik. Áitpese birde-bir tiianaqty bitirgen isi joq mynadai úkimetke qalaisha senýge bolady?
Qýanysh Edilhantegi
