دەپۋتات ەلٸمٸز كەيٸنگٸ 25 جىلدا قازاق ساحاراسىنىڭ سەنٸ بولعانىن اقبٶكەندٸ قورعاۋعا بار كٷشٸن سالعانىن مەلٸمدەدٸ. ونىڭ سٶزٸنشە, كەزٸندە 2 ميلليونعا دەيٸن ٶسكەن كيٸكتٸڭ سانى 2003 جىلى 21 مىڭ باسقا كەمٸپ كەتكەن. سايىن دالانىڭ سەنٸ بولعان اقبٶكەندٸ قورعاۋ ٷشٸن “التىن دالا”, “بٶكەيوردا”, “اششىٶزەك مەملەكەتتٸك قاۋمالى” ت.ب, قورىقتار قۇرىلىپ, اقبٶكەن پوپۋللياتسيياسى قالىپقا كەلگەن.
"وسى باعدارلامالار نەگٸزٸندە ەتٸ مەن باعالى مٷيٸزٸ ٷشٸن سان مىڭداپ قىرىپ, دالامىزدى قان ساسىتقانداردىڭ قىزمەتٸن توقتاتتىق. ٶتكەن جىلدان بەرٸ "كيٸكتٸڭ قاتارى قويۋلانىپ كەتتٸ, ەگٸنگە تٷسەدٸ" دەگەن شارۋالاردىڭ ۋەجٸن ەستٸپ جاتىرمىز. سول سەبەپتٸ 2024 جىلدان باستاپ كيٸكتٸ ازايتۋعا مەملەكتتٸك ورگانداردان رەسمي تٷردە رۇقسات بەرٸلدٸ.
الايدا قۇزىرلى ورىندار "ازايتۋ دەگەندٸ اياۋسىز قىرۋ" دەپ تٷسٸنگەن سيياقتى. تاياۋدا ۇلىتاۋ وبلىسى, جاڭارقا اۋدانى, قىزىلجار اۋىلى "وحوتزووپروم" ٶب" قىزمەتكەرلەرٸنٸڭ كيٸك سانىن ازايتۋ جەلەۋٸمەن بۋاز كيٸكتەردٸ اتىپ جاتقانى جەرگٸلٸكتٸ تۇرعىنداردىڭ نارازىلىعىن تۋدىردى. بۇل جەردە ەلدٸڭ نارازىلىعى ورىندى. وبال مەن ساۋاپتى ايىرا بٸلەتٸن ەل ٸرگەسٸندە بولىپ جاتقان مۇنداي سۇمدىققا شىداي الماعان", - دەيدٸ دەپۋتات.
ساتىبالدين سايعاقتاردىڭ پوپۋللياتسيياسىن شارۋالارعا زييانى تيمەيتٸندەي, حالىقتى ەبٸگەرگە سالمايتىنداي ەتٸپ رەتتەۋدٸ ۇسىندى.
"وحوتزووپروم" ٶب" قىزمەتكەرلەرٸنٸڭ جاساعان بۇل قادامىنا قۇزٸرەتتٸ ورىندار قۇقىقتىق باعاسىن بەرۋ كەرەك. سەبەبٸ بۇل مەكەمە قىزمەتكەرلەرٸ سالالىق مينيسترلٸك قابىلداعان رەگلامەنتكە ساي جۇمىس اتقارماعانى بەلگٸلٸ بولدى.
- رەگلامەنت بويىنشا, بٸرٸنشٸ, اقبٶكەندەر اۋىل ماڭىنا 10 شاقىرىم جاقىنداعاندا جاۋاپتى مەكەمە قىزمەتكەرلەرٸ ەلدٸ دٷرلٸكتٸرمەي, حالىققا بٸرٸنشٸ كەزەكتە قۇلاقتاندىرۋ, اقپاراتتاندىرۋ جۇمىستارىن جٷرگٸزۋ كەرەك.
- ەكٸنشٸ, اقبٶكەندەردٸڭ پوپۋللياتسيياسىن شەكتەۋ شارالارىن ورىنداۋ جاپپاي قىرۋ ەمەس. اقبٶكەندەر تابىنىن سانيتارلىق رەتتەۋ ٷشٸن اقساق-توقساعىن, كەرٸ-قۇرتاڭىن, اۋرۋ-سىرقاۋىن بٸرٸنشٸ نىساناعا الۋ كەرەك.
- ٷشٸنشٸ جەنە ەڭ باستىسى اقبٶكەندٸ بۋاز كەزٸندە ازايتۋ شارالارى جٷزەگە اسىرىلماۋ كەرەك", - دەدٸ دەپۋتات.
سۋرەت: Depositphotos
