Depýtat elimiz keiingi 25 jylda qazaq saharasynyń sáni bolǵanyn aqbókendi qorǵaýǵa bar kúshin salǵanyn málimdedi. Onyń sózinshe, kezinde 2 millionǵa deiin ósken kiiktiń sany 2003 jyly 21 myń basqa kemip ketken. Saiyn dalanyń sáni bolǵan aqbókendi qorǵaý úshin “Altyn dala”, “Bókeiorda”, “Ashyózek memlekettik qaýmaly” t.b, qoryqtar qurylyp, aqbóken popýlliatsiiasy qalypqa kelgen.
"Osy baǵdarlamalar negizinde eti men baǵaly múiizi úshin san myńdap qyryp, dalamyzdy qan sasytqandardyń qyzmetin toqtattyq. Ótken jyldan beri "kiiktiń qatary qoiýlanyp ketti, eginge túsedi" degen sharýalardyń ýájin estip jatyrmyz. Sol sebepti 2024 jyldan bastap kiikti azaitýǵa memlekttik organdardan resmi túrde ruqsat berildi.
Alaida quzyrly oryndar "azaitý degendi aiaýsyz qyrý" dep túsingen siiaqty. Taiaýda Ulytaý oblysy, Jańarqa aýdany, Qyzyljar aýyly "Ohotzooprom" ÓB" qyzmetkerleriniń kiik sanyn azaitý jeleýimen býaz kiikterdi atyp jatqany jergilikti turǵyndardyń narazylyǵyn týdyrdy. Bul jerde eldiń narazylyǵy oryndy. Obal men saýapty aiyra biletin el irgesinde bolyp jatqan mundai sumdyqqa shydai almaǵan", - deidi depýtat.
Satybaldin saiǵaqtardyń popýlliatsiiasyn sharýalarǵa ziiany timeitindei, halyqty ábigerge salmaityndai etip retteýdi usyndy.
"Ohotzooprom" ÓB" qyzmetkerleriniń jasaǵan bul qadamyna quziretti oryndar quqyqtyq baǵasyn berý kerek. Sebebi bul mekeme qyzmetkerleri salalyq ministrlik qabyldaǵan reglamentke sai jumys atqarmaǵany belgili boldy.
- Reglament boiynsha, birinshi, aqbókender aýyl mańyna 10 shaqyrym jaqyndaǵanda jaýapty mekeme qyzmetkerleri eldi dúrliktirmei, halyqqa birinshi kezekte qulaqtandyrý, aqparattandyrý jumystaryn júrgizý kerek.
- Ekinshi, aqbókenderdiń popýlliatsiiasyn shekteý sharalaryn oryndaý jappai qyrý emes. Aqbókender tabynyn sanitarlyq retteý úshin aqsaq-toqsaǵyn, kári-qurtańyn, aýrý-syrqaýyn birinshi nysanaǵa alý kerek.
- Úshinshi jáne eń bastysy aqbókendi býaz kezinde azaitý sharalary júzege asyrylmaý kerek", - dedi depýtat.
Sýret: Depositphotos
