اۋەجايداعى جارىلىس كەزىندە كەمىندە 17 ادام كوز جۇمىپ، كوپتەگەن ادام جاراقات العان.
ازىرشە اۋەجايداعى جارىلىستان ناقتى قانشا ادامنىڭ مەرت بولىپ، جاراقات العانى انىقتالعان جوق.
ال بەلگيا بيلىگى وقيعانى لاڭكەستىك ارەكەت ەكەنىن مالىمدەدى.
قاۋىپسىزدىك قىزمەتكەرلەرى بريۋسسەل اۋەجايىنان لاڭكەستەر ىسكە قوسىپ ۇلگەرمەگەن بومبا ورناتىلعان بەلدەمشە تاۋىپ العان.
اۋەجايداعى العاشقى جارىلىس American Airlines كومپنياسى جولاۋشىلارىن تىركەيتىن جەردە ورىن العانى بەلگىلى.
تاعى ءبىر بەيرەسمي اقپارات كوزدەرىنىڭ حابارلاۋىنشا ۇشۋ الاڭىندا دا جارىلىس بولعانى ايتىلۋدا. ازىرشە بۇل جارىلىس جايىندا رەسمي اقپارات جوق.
ال مەترودا ەكى مارتە جارىلىس بولعانى ايتىلۋدا. مۇندا دا كىسى ءولىمى ورىن الىپ، كوپتەگەن ادامنىڭ جاراقات العانى ايتىلۋدا.
ءقازىر بەلگيا بيلىگى قاۋىپسىزدىكتىڭ ەڭ جوعارعى 4 دەڭگەيىنە كوتەرىپ، حالىقتىڭ قاۋىپسىزدىگىن قامتاماسىز ەتۋگە كۇش سالىپ جاتىر.
«قمد» اقپارات
