بقو تۇرعىنى رەسەيلىك ءتولقۇجات ءۇشىن سوت الدىندا جاۋاپ بەردى، دەپ حابارلايدى Dalanews.kz.
ول ەكىنشى ازاماتتىعىن جاسىرعانى ءۇشىن جاۋاپكەرشىلىككە تارتىلدى.
ورال قالاسىنىڭ اكىمشىلىك قۇقىقبۇزۋشىلىقتار جونىندەگى مامانداندىرىلعان سوتى ۆ.-عا قاتىستى اكىمشىلىك ءىستى قاراعان. ۆ.-دا 2022 جىلعى قىركۇيەكتە العان رەسەي فەدەراسياسىنىڭ ازاماتتىعى بار ەكەنى انىقتالعان، الايدا ول بۇل تۋرالى ۋاكىلەتتى ورگاندارعا ۋاقىتىلى حابارلاماعان.
سوت وتىرىسىندا ۆ. ءوز كىناسىن تولىق مويىنداعان، بۇل جاعداي جەڭىلدەتەتىن ءمان-جاي رەتىندە ەسكەرىلگەن.
سوت ۆ.-نى ق ر اقبتك-نىڭ 496-بابى 2-بولىگى بويىنشا اكىمشىلىك قۇقىقبۇزۋشىلىق جاساعانى ءۇشىن كىنالى دەپ تانىپ، وعان 393 200 تەڭگە مولشەرىندە اكىمشىلىك ايىپپۇل سالۋ تۋرالى قاۋلى شىعاردى.
قاۋلى زاڭدى كۇشىنە ەنگەن جوق.
