"سالاماتتى قازاقستان" مەديسينالىق پويىزى باتىس قازاقستان وبلىسىندا ءوز جۇمىسىن شىڭعىرلاۋ اۋدانىنىڭ شىڭعىرلاۋ ستانسياسىندا اياقتايدى.
"سالاماتتى قازاقستان" مەديسينالىق پويىزى باتىس قازاقستان وبلىسىنىڭ شىڭعىرلاۋ ستانسياسىندا ەكى كۇندىك جۇمىسىن جۇرگىزۋدە.
ءدال وسى شىڭعىرلاۋ اۋدانىندا ءبىزدىڭ وڭىردەگى پويىزدىڭ جۇمىسى اياقتالادى. بۇگىندە شىڭعىرلاۋ اۋدانى اۋماعىندا 14000-عا جۋىق ادام تۇرادى. پويىز ۇجىمى بارلىق مۇقتاج جاندارعا مەديسينالىق، پسيحولوگيالىق، قۇقىقتىق جانە مەدياتيۆتىك كومەك كورسەتۋدە.
بۇل قازاقستان رەسپۋبليكاسى پرەزيدەنتىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ، سونداي-اق قازاقستان رەسپۋبليكاسى دەنساۋلىق ساقتاۋ مينيسترلىگىنىڭ جانە "سامۇرىق-قازىنا"اق جوباسىنىڭ قولداۋىنىڭ ارقاسىندا مۇمكىن بولدى. شىڭعىرلاۋ ستانسياسىندا بىلىكتى ماماندار توبى 2 كۇن بولادى.
ءداستۇر بويىنشا پويىز جۇمىسى سالتاناتتى اشىلۋدان باستالدى. سودان كەيىن اۋدان ورتالىعىنىڭ تۇرعىندارى العاشقى تەكسەرۋگە جانە قاجەتتى كومەك كورسەتۋگە ارنالعان زاماناۋي جابدىقتارمەن جابدىقتالعان مەديسينالىق ۆاگوندارعا بەتتەدى. 500-دەن استام اۋىل تۇرعىنى ءبىرىنشى كۇنى عانا جەدەل كومەك الدى.
"نازار،قامقورلىق،قىزىعۋشىلىق،جوعارى بىلىكتىلىك،مەيىرىمدىلىك"،-ولاردى قابىلداعان مامانداردى اۋدان تۇرعىندارى وسىلاي سيپاتتاۋدا.
جۇمىس كۇنى اياقتالعاننان كەيىن مەديسينالىق پوەزد ۇجىمى،تۇرعىندار جانە جەرگىلىكتى اتقارۋشى ورگان وكىلدەرى پىكىر الماسۋ ءۇشىن تاعى باس قوستى.
باتىس قازاقستان وبلىسىنىڭ 5 اۋدانى: بايتەرەك، ءبورلى، تاسقالا، تەرەكتى جانە شىڭعىرلاۋ اۋدانى تۇرعىندارىنا 15 كۇن بويى كومەك كورسەتكەندەرگە العىس ءبىلدىرۋ ءۇشىن قايتا كەزدەستى. جينالعاندارعا العىس سوزبەن شىڭعىرلاۋ اۋدانى اكىمىنىڭ ورىنباسارى ميرجان نۇرتازييەۆ، باتىس قازاقستان وبلىسى اكىمى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيانىڭ مۇشەسى ليۋدميلا ششۋكينا، «سامۇرىق –قازىنا» اق وكىلى اسقار ءومىرباي، ءماسليحات دەپۋتاتى، "امانات" پارتياسى اۋداندىق فيليالىنىڭ ءتوراعاسى ازامات تاعانيازوۆ، وبلىس اكىمى اپپاراتىنىڭ، باتىس قازاقستان وبلىسى اكىمى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيانىڭ حاتشىسى تاتيانا روگوزينا،شىڭعىرلاۋ اۋدانىنىڭ ورتالىق اۋداندىق اۋرۋحانا ديرەكتورىنىڭ م.ا.التىنزەر بەكجانوۆالار سويلەدى.
ءوڭىردىڭ بارلىق تۇرعىندارىنا مەديسينالىق پويىزدىڭ باس دارىگەرى اينۇر ەگىنبايەۆا ءسوز سويلەپ، دەنساۋلىق تىلەدى.كەزدەسۋ جىلى اتموسفەرادا ءوتتى.سوڭىندا بارلىق قاتىسۋشىلار ءۇشىن مۋزىكالىق نومىرلەر تارتۋ ەتىلدى.
