بقو ورال قالالىق سوتىنىڭ ۇكىمىمەن ب.ا.كايۋپوۆ پارا العانى ءۇشىن (ق ر قك 366-بابى، 2-بولىگى)، تۇرالييەۆ س.س. جانە سەبەپوۆ ا.ا. پارا الۋعا تۇرتكى بولعانى ءۇشىن (ق ر قك 28-بابى، 5-بولىگى، 366-بابى، 2-بولىگى) كىنالى دەپ تانىلدى، دەپ حابارلايدى ورال قالالىق سوتىنىڭ باسپا ءسوز قىزمەتى.
سوت انىقتاعانداي، وبلىستىق دەنساۋلىق ساقتاۋ باسقارماسىنىڭ بۇرىنعى باستىعى كايۋپوۆ ب.ا. ونىڭ قىزمەتكەرى سەبەپوۆ ا.ا. جانە دوسى س.س.تۇرالييەۆ. جالپى سوماسى 78 284 880 تەڭگەنى قۇرايتىن مەديسينالىق تەحنيكانى جەتكىزۋ بويىنشا مەملەكەتتىك ساتىپ الۋ تۋرالى كەلىسىم-شارتقا جانە جابدىقتى قابىلداۋ اكتىسىنە كەدەرگىسىز قول قويعانى ءۇشىن ج ش س ديرەكتورىنان 7،8 ميلليون تەڭگە پارا الدى.
سوتقا دەيىنگى تەرگەۋ بارىسىندا ب.ا.كايۋپوۆتان. - 330 000 تەڭگە، ا.ا.سەبەپوۆتەن - 1 060 000 تەڭگە، س.س.تۇرالييەۆتەن - 4 300 000 تەڭگە تاركىلەنىپ الىندى.
سوت وتىرىسى كەزىندە كايۋپوۆ ب.ا. 1 670 000 تەڭگە، تۇرالييەۆ س.س. 440 000 تەڭگە قايتاردى.
سوت ب.ا.كايۋپوۆقا 4 (ءتورت) جىل 6 (التى) اي باس بوستاندىعىنان ايىرۋ، تۇرالييەۆ س.س. جانە سەبەپوۆتىڭ ا.ا. ءارقايسىسى ءۇشىن 3 (ءۇش) جىل باس بوستاندىعىنان ايىرۋ جازاسىن تاعايىندادى. جازانى وتەۋ ەڭ تومەنگى قاۋىپسىزدىكتى قامتاماسىز ەتۋ مەكەمەسىندە بەلگىلەنەدى، سەبەبى ق ر قىلمىستىق كودەكسىنىڭ 46-بابى، 5-بولىگى، 1-تارماعى بويىنشا سىبايلاس جەمقورلىق قىلمىس جاساعان ادامدارعا كەلتىرىلگەن زيان تولىق وتەلگەن جاعدايدا، بۇل جاعدايدا جازا ەڭ تومەنگى قاۋىپسىزدىك مەكەمەسىنە تاعايىندالادى. سونداي-اق سوت ۇكىمىمەن سوتتالعان ب.ا.كايۋپوۆ، ا.ا. سەبەپوۆ جانە تۇرالييەۆ س.س. ءماجبۇرلى قوسىمشا جازا تاعايىندالدى، ياعني مەملەكەتتىك قىزمەتتەگى لاۋازىمداردى اتقارۋ قۇقىعىنان ءومىر بويىنا ايىرۋ تۇرىندە.
سوت ۇكىمى زاڭدى كۇشىنە ەنگەن جوق.
