BQO densaýlyq saqtaý basqarmasynyń eks-basshysyna qatysty sot úkimi shyqty
BQO Oral qalalyq sotynyń úkimimen B.A.Kaiýpov para alǵany úshin (QR QK 366-baby, 2-bóligi), Turaliev S.S. jáne Sebepov A.A. para alýǵa túrtki bolǵany úshin (QR QK 28-baby, 5-bóligi, 366-baby, 2-bóligi) kináli dep tanyldy, dep habarlaidy Oral qalalyq sotynyń baspasóz qyzmeti.
Sot anyqtaǵandai, oblystyq densaýlyq saqtaý basqarmasynyń burynǵy bastyǵy Kaiýpov B.A. onyń qyzmetkeri Sebepov A.A. jáne dosy S.S.Turaliev. jalpy somasy 78 284 880 teńgeni quraityn meditsinalyq tehnikany jetkizý boiynsha memlekettik satyp alý týraly kelisim-shartqa jáne jabdyqty qabyldaý aktisine kedergisiz qol qoiǵany úshin JShS direktorynan 7,8 million teńge para aldy.
Sotqa deiingi tergeý barysynda B.A.Kaiýpovtan. - 330 000 teńge, A.A.Sebepovten - 1 060 000 teńge, S.S.Turalievten - 4 300 000 teńge tárkilenip alyndy.
Sot otyrysy kezinde Kaiýpov B.A. 1 670 000 teńge, Turaliev S.S. 440 000 teńge qaitardy.
Sot B.A.Kaiýpovqa 4 (tórt) jyl 6 (alty) ai bas bostandyǵynan aiyrý, Turaliev S.S. jáne Sebepovtiń A.A. árqaisysy úshin 3 (úsh) jyl bas bostandyǵynan aiyrý jazasyn taǵaiyndady. Jazany óteý eń tómengi qaýipsizdikti qamtamasyz etý mekemesinde belgilenedi, sebebi QR Qylmystyq kodeksiniń 46-baby, 5-bóligi, 1-tarmaǵy boiynsha sybailas jemqorlyq qylmys jasaǵan adamdarǵa keltirilgen ziian tolyq ótelgen jaǵdaida, bul jaǵdaida jaza eń tómengi qaýipsizdik mekemesine taǵaiyndalady. Sondai-aq sot úkimimen sottalǵan B.A.Kaiýpov, A.A. Sebepov jáne Turaliev S.S. májbúrli qosymsha jaza taǵaiyndaldy, iaǵni memlekettik qyzmettegi laýazymdardy atqarý quqyǵynan ómir boiyna aiyrý túrinde.
Sot úkimi zańdy kúshine engen joq.
