باتىس قازاقستان وبلىسىنىڭ پروكۋراتۋراسى ەسىرتكىنى تەلەگرام ارقىلى زاڭسىز ناسيحاتتاپ جۇرگەندەردى انىقتادى، - دەپ حابارلايدى Dalanews.kz.
قازاقستان رەسپۋبليكاسى پرەزيدەنتى مەن باس پروكۋرورىنىڭ تاپسىرمالارىن ورىنداۋ اياسىندا باتىس قازاقستان وبلىسى پروكۋراتۋراسىنىڭ قىزمەتكەرلەرى الەۋمەتتىك جەلىلەردى باقىلاۋ بارىسىندا بەلگىسىز تۇلعانىڭ وبلىس اۋماعىندا ەسىرتكى، پسيحوتروپتىق زاتتار مەن پرەكۋرسورلاردى جارنامالاۋ جانە ساتۋ بويىنشا ۇگىت-ناسيحات ماقساتىندا جاساعان تەلەگرام-ارنالارىن انىقتادى.
وسى قىلمىستىق قۇقىق بۇزۋشىلىقتاردى جاساعان ادامداردى انىقتاۋ ماقساتىندا وبلىستىق پروكۋراتۋرانىڭ قىزمەتكەرلەرى قازاقستان رەسپۋبليكاسى قىلمىستىق كودەكسىنىڭ 299-1-بابىنىڭ 1-بولىگى (ەسىرتكى، پسيحوتروپتىق زاتتاردى نەمەسە سول تەكتەستەردى، پرەكۋرسورلاردى ناسيحاتتاۋ نەمەسە زاڭسىز جارنامالاۋ) بويىنشا سوتقا دەيىنگى تەرگەپ-تەكسەرۋدى باستادى جانەودان ءارى تەرگەۋ ءۇشىن پوليسياعا جولدادى.
ناتيجەسىندە ەسىرتكىنى تىكەلەي جارنامالايتىن 3 چات بۇعاتتالىپ، كىنالىلەر انىقتالۋدا.
بۇل باعىتتاعى جۇمىستار جالعاسۋدا.
