باتىس قازاقستان وبلىسىنىڭ شەكاراعا جاقىن اۋداندارىندا 13 مەكتەپ جابىلۋى ىقتيمال. بۇل تۋرالى پرەمەر-مينيستردٸڭ ورىنباسارى ەرمەك قوشەرباەۆ دەپۋتاتتىق ساۋالعا بەرگەن جاۋابىندا مەلٸمدەدٸ, دەپ حابارلايدى Dalanews.kz.
قولدانىستاعى ەرەجەلەرگە سەيكەس, اۋىلدىق جەردە مەكتەپتٸڭ جۇمىسىن جالعاستىرۋى ٷشٸن وقۋشىلاردىڭ سانى جەتكٸلٸكتٸ بولۋى تيٸس: باستاۋىش مەكتەپ ٷشٸن – كەمٸندە 5, نەگٸزگٸ مەكتەپ ٷشٸن – كەمٸندە 41, ال ورتا مەكتەپ ٷشٸن – كەمٸندە 81 وقۋشى بولۋى قاجەت. قازٸرگٸ ۋاقىتتا بۇل مەكتەپتەردە وقۋشى سانى از بولسا دا, جۇمىسىن جالعاستىرىپ وتىر. ۆيتسە-پرەمەردٸڭ ايتۋىنشا, ەگەر مەكتەپ بٸلٸم ساپاسىن قامتاماسىز ەتٸپ وتىرسا, جەرگٸلٸكتٸ بيلٸك ونى جابۋعا مٸندەتتٸ ەمەس.
"الايدا بۇل مەكتەپتەردە وقۋشى سانى بەلگٸلەنگەن نورمادان ايتارلىقتاي تٶمەن بولعاندىقتان, ولاردى قايتا ۇيىمداستىرۋ قاۋپٸ بار. ياعني, ورتا مەكتەپ نەگٸزگٸ مەكتەپكە, نەگٸزگٸ مەكتەپ باستاۋىش مەكتەپكە اينالۋى نەمەسە مٷلدە جابىلۋى مٷمكٸن. بۇل ٶزگەرٸستەر 2025–2026 وقۋ جىلىندا جٷزەگە اسۋى ىقتيمال. وسىعان بايلانىستى وقۋ-اعارتۋ مينيسترلٸگٸ بقو ەكٸمدٸگٸنە شەكارا ماڭىنداعى اۋىل مەكتەپتەرٸن ساقتاپ, دامىتۋ جٶنٸندە ۇسىنىس حات جولدادى. قازٸر مينيسترلٸك شەكارالىق ايماقتا ورنالاسقان مەكتەپتەردٸ جالپى بٸلٸم بەرۋ ۇيىمدارىنىڭ نورماتيۆتٸك تٸزبەسٸنەن الىپ تاستاۋ مٷمكٸندٸگٸن دە قاراستىرىپ جاتىر", - دەدٸ ەرمەك قوشەرباەۆ.
مەكتەپتەردٸ جابۋ نەمەسە قايتا ۇيىمداستىرۋ مەسەلەسٸ ٷكٸمەتتٸڭ باقىلاۋىندا.
