Batys Qazaqstan oblysynyń shekaraǵa jaqyn aýdandarynda 13 mektep jabylýy yqtimal. Bul týraly Premer-ministrdiń orynbasary Ermek Qosherbaev depýtattyq saýalǵa bergen jaýabynda málimdedi, dep habarlaidy Dalanews.kz.
Qoldanystaǵy erejelerge sáikes, aýyldyq jerde mekteptiń jumysyn jalǵastyrýy úshin oqýshylardyń sany jetkilikti bolýy tiis: bastaýysh mektep úshin – keminde 5, negizgi mektep úshin – keminde 41, al orta mektep úshin – keminde 81 oqýshy bolýy qajet. Qazirgi ýaqytta bul mektepterde oqýshy sany az bolsa da, jumysyn jalǵastyryp otyr. Vitse-premerdiń aitýynsha, eger mektep bilim sapasyn qamtamasyz etip otyrsa, jergilikti bilik ony jabýǵa mindetti emes.
"Alaida bul mektepterde oqýshy sany belgilengen normadan aitarlyqtai tómen bolǵandyqtan, olardy qaita uiymdastyrý qaýpi bar. Iaǵni, orta mektep negizgi mektepke, negizgi mektep bastaýysh mektepke ainalýy nemese múlde jabylýy múmkin. Bul ózgerister 2025–2026 oqý jylynda júzege asýy yqtimal. Osyǵan bailanysty Oqý-aǵartý ministrligi BQO ákimdigine shekara mańyndaǵy aýyl mektepterin saqtap, damytý jóninde usynys hat joldady. Qazir ministrlik shekaralyq aimaqta ornalasqan mektepterdi jalpy bilim berý uiymdarynyń normativtik tizbesinen alyp tastaý múmkindigin de qarastyryp jatyr", - dedi Ermek Qosherbaev.
Mektepterdi jabý nemese qaita uiymdastyrý máselesi Úkimettiń baqylaýynda.
