باتىس قازاقستان وبلىسىنداعى ءبىر شارۋا قوجالىعىنىڭ قىستاۋىنان قارۋ-جاراق، وق-دارىلەر مەن كيىك مۇيىزدەرى تابىلدى، دەپ حابارلايدى Dalanews.kz.
پوليسيا قىزمەتكەرلەرى «قارۋ» جەدەل-پروفيلاكتيكالىق ءىس-شاراسى بارىسىندا قىستاۋداعى ءۇيدى ءتىنتۋ كەزىندە قولدان جاسالعان «پودجيگ» تۇرىندەگى اتىس قۇرىلعىسىن، ەكى تەگىس ۇڭعىلى مىلتىقتى، ەكى شولاق مىلتىقتى، ءتۇرلى كاليبرلى 104 پاتروندى جانە 30 كيىك ءمۇيىزىن انىقتاعان.
ءۇي شارۋا قوجالىعىنىڭ باسشىسىنا تيەسىلى ەكەنى بەلگىلى بولدى.
"ءۇي يەسىنە قاتىستى قىلمىستىق ءىس قوزعالىپ، ول ۋاقىتشا ۇستاۋ يزولياتورىنا قامالدى"، – دەيدى پوليسەيلەر.
جالپى وبلىس بويىنشا اتالعان ءىس-شارا كەزىندە زاڭسىز ساقتالعان 16 قارۋ جانە 164 ءوق-دارى تاركىلەندى.
