ب.يبرايموۆتىڭ سوزىنشە، كۇنى بۇگىن وبلىستاعى 48 مىڭعا جۋىق كاسىپكەرلىك سۋبەكتىلەرىنىڭ 37 مىڭ 800ء-ى جۇمىس ىستەپ تۇر. ال ەكونوميكالىق بەلسەندى حالىقتىڭ ۇشتەن ءبىر بولىگى شاعىن جانە ورتا كاسىپكەرلىكتە قىزمەت ەتەدى. اعىمداعى جىلدىڭ 1 توقسانىندا 312 ملرد تەڭگە سوماسىنا ونىمدەر شىعاردى. كاسىپكەرلىكتى جان-جاقتى دامىتۋدى كوزدەگەن «بيزنەستىڭ جول كارتاسى-2020» باعدارلاماسى جۇزەگە اسىرىلعالى بەرى وبلىستا نەسيە تۇرىندەگى جانە ينفراقۇرىلىم جەتكىزۋ تۇرىندەگى 713 جوبا مەملەكەتتىك قولداۋعا يە بولىپ، ونىڭ جالپى سوماسى 85،6 ملرد. تەڭگە قۇراعان.
ءبىرىڭعاي باعدارلامانى جۇزەگە اسىرۋ ءۇشىن اعىمداعى جىلى 1،6 ملرد. تەڭگە بولىنگەن، ونىڭ ىشىندە نەسيەلەر بويىنشا پايىزدىق مولشەرلەمەنى سۋبسيديالاۋعا - 1،4 ملرد. تەڭگە، كەپىلدەمە بەرۋگە - 94 ملن. تەڭگە، گرانتتىق قارجىلاندىرۋعا - 47 ملن. تەڭگە قارالعان.
2017 جىلدىڭ باسىنان بەرى بقو ۇيلەستىرۋ كەڭەسىنىڭ 17 وتىرىسى ءوتىپ، وندا ەكىنشى دەڭگەيلى بانكتەر بەرگەن نەسيەلەردىڭ پايىزدىق مولشەرلەمەسىن سۋبسيديالاۋ بويىنشا جالپى قۇنى 9 ملرد. تەڭگە قۇرايتىن 79 جوبا ماقۇلداندى.
بۇگىنگى تاڭدا جاس، ءوز ءىسىن جاڭادان باستاعان كاسىپكەرلەر اراسىندا – قايتارىمسىز گرانتتىق قارجىلاندىرۋ ۇلكەن سۇرانىسقا يە. 2017 جىلى 19 كاسىپكەر جالپى قۇنى 47 ملن. تەڭگە گرانتقا قول جەتكىزدى (سونىڭ ىشىندە، 14 كاسىپكەر اۋىلدان).
يندۋستريالاندىرۋ كارتاسى اياسىندا II بەسجىلدىقتا (2015-2019 جج) جالپى قۇنى 83،4 ملرد. تەڭگەنى قۇرايتىن 22 جوبا جۇزەگە اسىرىلۋدا، 1224 جاڭا تۇراقتى جۇمىس ورىنى اشىلماق. سولاردىڭ ىشىنەن 2015-2016 جىلدارى جالپى قۇنى 72،7 ملرد. تەڭگە قۇرايتىن 12 جوبا ىسكە قوسىلدى. 1800 جۇمىس ورنى، ونىڭ ىشىندە 595 تۇراقتى جۇمىس ورىندارى اشىلدى.
2017 جىلى كاسىپكەرلىكتى قولداۋ كارتاسى شەڭبەرىندە قۇنى 6،9 ملرد. تەڭگە بولاتىن 6 جوبانى ىسكە قوسۋ جوسپارلانۋدا. ول جۇزەگە اسقاننان كەيىن 558 جۇمىس ورىنى اشىلادى (سونىڭ ىشىندە 416 جۇمىس ورىنى تۇراقتى). بۇل جوبالارعا ەلەكترقالقاندارى جابدىعى ءوندىرىسىن ۇيىمداستىرۋ («ۋرالەلەكتريك» ج ش س)، ماكاروۆ كىرپىش زاۋىتىنىڭ قۇرىلىسى، اسفالتبەتون زاۋىتىنىڭ قۇرىلىسى ( «بىرلىك» ج ش س)، قۇرعاق تاعام ءوندىرۋ سەحى ( «كازكون» كونديتەرلىك فابريكاسى)، جىلىنا 6000 توننا قۇس ەتىن وندىرەتىن فابريكا («جايىق اگرو لتد» ج ش س) جانە ماكارون ءوندىرۋ فابريكاسىنىڭ قۇرىلىسى («جەلايەۆسكيي كومبينات حلەبوپرودۋكتوۆ» اق) ەنىپ وتىر.
وسى جوبالاردىڭ ىشىندە 2 جوبا: ەلەكترقالقاندارى جابدىعى ءوندىرىسىن ۇيىمداستىرۋ («ۋرالەلەكتريك» ج ش س) جانە ماكاروۆ كىرپىش زاۋىتىنىڭ قۇرىلىسى اياقتالىپ، ىسكە قوسىلدى.
كارتادان تىس جالپى قۇنى 9،1 ملرد. تەڭگە بولاتىن، 550 جۇمىس ورىنى اشىلىپ، 2017 جىلى ىسكە قوسىلاتىن 6 جوبا قولعا الىندى:
- ەسىك-تەرەزە ءوندىرىسى («ستەكلوسەرۆيس» ج ش س)؛
- سەندۆيچ-پانەل ءوندىرىسى («اگران» ج ش س)؛
- اسفالت زاۋىتىنىڭ قۇرىلىسى («ادالارنا» ج ش س)؛
- اياق-كيىم تىگۋ فابريكاسى («اسار» ج ش س)؛
- باسك قۇرىلىس كولىك-لوگيستيكالىق ورتالىعى («ەۋرازيان لوگيستيك» ج ش س)؛
-مال ءونىمىن وڭدەۋ سەحى قۇرىلىسى («كۋبلەي» ج ش س).
سونىمەن قاتار، 2018-2019 جىلدارى 491 جۇمىس ورنى، ونىڭ ىشىندە 213 تۇراقتى جۇمىس ورنى بار جالپى قۇنى 3،7 ملرد. تەڭگەنى قۇرايتىن ءتورت جوبا ىسكە اسىرىلادى:
- كەراميكالىق كىرپىش زاۋىتى («134» ج ش س)؛
- حيميالىق وندىرىستىك بازا قۇرىلىسى («توپان» ج ش س)؛
- بقو-دا مينەرالدى ۇنتاق، سۇيىق ءناترييلى شىنى جانە پەنوشىنى ءوندىرىسى زاۋىتىنىڭ قۇرىلىسى («Foamsil» ج ش س)؛
- شاعىن كاتەرلەر ءوندىرىسن جاڭعىرتۋ جانە ۇلعايتۋ ( «نيي «گيدروپريبور» اق).
2017 جىلى «اۋىل شارۋاشىلىعىن قارجىلاي قولداۋ قورى» اق-مەن بىرلەسىپ، اگروونەركاسىپ كەشەنىندەگى جوبالاردى قارجىلاندىرۋ تاجىريبەسىن ودان ءارى قاراي جالعاستىرۋ جوسپارلانۋدا. ول ءۇشىن وبلىستىق بيۋدجەت پەن اتالمىش قوردىڭ ءارقايسىسىنان 300 ملن. تەڭگەدەن قارالادى. سونداي-اق، «دامۋ» كاسىپكەرلىكتى دامىتۋ قورى» اق ەكىنشى دەڭگەيلى بانكتەرمەن بىرلەسىپ قارجىلاندىرۋ ءۇشىن 700 ملن. تەڭگەدەن قارجى بولەدى.
«سونىمەن بىرگە، مەملەكەتتىك-جەكە ارىپتەستىك باعدارلاماسى ارقىلى 8 جوبا قولعا الىندى، سونىڭ ىشىندە 4 بالاباقشا، 1 دەنە شىنىقتىرۋ-ساۋىقتىرۋ كەشەنىنىڭ قۇرىلىسى جۇرۋدە، ورالداعى №7 ەمحانانى، №8 ورتا مەكتەپتىڭ اسحاناسىن سەنىمگەرلىك باسقارۋعا بەرۋ ماسەلەسى شەشىلمەك، - دەدى ب.يبرايموۆ.
كەلەسى سپيكەر ە.يدەنوۆ حالىققا شاعىن نەسيە بەرۋ سۇراقتارىنا كەڭىنەن توقتالدى. ماسەلەن، قالالىق جەرلەردە وسى ماقساتقا 294،7 ملن. تەڭگە جانە كەپىلدەمە بەرۋگە 36 ملن. تەڭگە قارجى جۇمساۋ جوسپارلانۋدا. وتكەن 2016 جىل ىشىندە باتىس قازاقستان وبلىسىندا سۋبسيديالاۋ بويىنشا جالپى قۇنى 20،4 ملرد. تەڭگە قۇراعان 111 كەلىسىمشارت جاسالعان. بيىلعى جىلدىڭ العاشقى التى ايىندا جالپى نەسيە پورتفەلى 8 ملرد. 123،7 ملن. تەڭگە بولاتىن 69 جوبا بويىنشا سۋسبسيديالاۋ كەلىسمشارتىنا قول قويىلعان. جالپى، باعدارلاما باستالعالى بەرى نەسيە پورتفەلى 86،7 ملرد. تەڭگە بولاتىن 603 جوبا ماقۇلداندى.
«ەكىنشى دەڭگەيلى بانكتەردەن نەسيە الۋ بارىسىندا كەپىلدەمە جەتىسپەسە، كاسىپكەر سۋبسيديالاۋ باعدارلاماسى اياسىندا «دامۋ» قورىنىڭ كەپىلدەمەسىن الا الادى. ياعني، جۇمىس ىستەپ وتىرعان كاسىپكەردىڭ بانككە قويعان كەپىلدەمەسىنىڭ قۇنىنان ەكى ەسە ارتىق مولشەردە نەسيە الۋىنا مۇمكىندىگى بار. شارۋاسىن ەندى باستاعان كاسىپكەرگە ءبىزدىڭ قور الاتىن نەسيەسىنىڭ 85 پايىزى كولەمىندە كەپىلدەمە بەرەدى. اعىمداعى جىلدىڭ العاشقى التى ايىندا جالپى قۇنى 490،8 ملن. تەڭگە قۇرايتىن 24 كەپىلدەمە بەردىك»، - دەپ اتاپ ءوتتى ە.يدەنوۆ.
«بيزنەستىڭ جول كارتاسى-2020» باعدارلاماسى شەڭبەرىندە كاسىپكەرلىكتى قارجىسىز قولداۋ شارالارى دا تابىستى ىسكە اسىرىلۋدا. مىسالى، «نازاربايەۆ ۋنيۆەرسيتەتى» بيزنەستىڭ جوعارى مەكتەبى (استانا قالاسى) بازاسىندا قولعا الىنعان «شاعىن جانە ورتا بيزنەس توپ-مەنەدجمەنتىن وقىتۋ» جوباسى شەتەلدىك وقىتۋ ورتالىقتارىن قاتىستىرۋ ارقىلى ءبىلىم بەرۋدى كوزدەيدى. وقىتۋ تەگىن. جوبا باستالعان ۋاقىتتان بەرى وبلىستاعى 64 كاسىپكەر وسى جەردە وقىدى.
شالعاي اۋداندارداعى كاسىپكەرلەرگە اقپاراتتىق جانە كەڭەس بەرۋ باعىتىندا 2013 جىلدان بەرى كاسىپكەرلەردى ءموبيلدى قولداۋ ورتالىعى جۇمىس ىستەپ، ارنايى جابدىقتالعان اۆتوبۋس جۇرۋدە.
قور 2016 جىلدان باستاپ حالىقتىڭ كاسىپكەرلىك سالاعا ىنتاسىن وياتۋعا، قابىلەتىن قالىپتاستىرۋعا قاجەتتى ستارتاپ-جوبالاردى قولداۋعا باعىتتالعان «جاڭا بيزنەستى اشۋعا قولداۋ» جوباسىن قولعا الدى. 2016 جىلى جوبا اياسىندا 86 كاسىپكەر وقۋدان وتسە، 2017 جىلدىڭ العاشقى التى ايىندا 43 كاسىپكەر وقىدى، ولاردىڭ 17ء-سى ستارت-اپ جوباسى ارقىلى وقىدى.
2016 جىل ىشىندە كاسىپكەرلەرگە قىزمەت كورسەتۋ ورتالىعى ارقىلى 4 مىڭنان اسا كومەك-كەڭەس بەرىلدى. 2017 جىلدىڭ العاشقى التى ايىندا اقىل-كەڭەس تۇرىندەگى قىزمەت سانى 2734-كە جەتتى.
