B.Ibraımovtyń sózinshe, kúni búgin oblystaǵy 48 myńǵa jýyq kásipkerlik sýbektileriniń 37 myń 800-i jumys istep tur. Al ekonomıkalyq belsendi halyqtyń úshten bir bóligi shaǵyn jáne orta kásipkerlikte qyzmet etedi. Aǵymdaǵy jyldyń 1 toqsanynda 312 mlrd teńge somasyna ónimder shyǵardy. Kásipkerlikti jan-jaqty damytýdy kózdegen «Bıznestiń jol kartasy-2020» baǵdarlamasy júzege asyrylǵaly beri oblysta nesıe túrindegi jáne ınfraqurylym jetkizý túrindegi 713 joba memlekettik qoldaýǵa ıe bolyp, onyń jalpy somasy 85,6 mlrd. teńge quraǵan.
Biryńǵaı baǵdarlamany júzege asyrý úshin aǵymdaǵy jyly 1,6 mlrd. teńge bólingen, onyń ishinde nesıeler boıynsha paıyzdyq mólsherlemeni sýbsıdıalaýǵa - 1,4 mlrd. teńge, kepildeme berýge - 94 mln. teńge, granttyq qarjylandyrýǵa - 47 mln. teńge qaralǵan.
2017 jyldyń basynan beri BQO Úılestirý keńesiniń 17 otyrysy ótip, onda ekinshi deńgeıli bankter bergen nesıelerdiń paıyzdyq mólsherlemesin sýbsıdıalaý boıynsha jalpy quny 9 mlrd. teńge quraıtyn 79 joba maquldandy.
Búgingi tańda jas, óz isin jańadan bastaǵan kásipkerler arasynda – qaıtarymsyz granttyq qarjylandyrý úlken suranysqa ıe. 2017 jyly 19 kásipker jalpy quny 47 mln. teńge grantqa qol jetkizdi (sonyń ishinde, 14 kásipker aýyldan).
Indýstrıalandyrý kartasy aıasynda II besjyldyqta (2015-2019 jj) jalpy quny 83,4 mlrd. teńgeni quraıtyn 22 joba júzege asyrylýda, 1224 jańa turaqty jumys oryny ashylmaq. Solardyń ishinen 2015-2016 jyldary jalpy quny 72,7 mlrd. teńge quraıtyn 12 joba iske qosyldy. 1800 jumys orny, onyń ishinde 595 turaqty jumys oryndary ashyldy.
2017 jyly kásipkerlikti qoldaý Kartasy sheńberinde quny 6,9 mlrd. teńge bolatyn 6 jobany iske qosý josparlanýda. Ol júzege asqannan keıin 558 jumys oryny ashylady (sonyń ishinde 416 jumys oryny turaqty). Bul jobalarǵa elektrqalqandary jabdyǵy óndirisin uıymdastyrý («ÝralElektrık» JSHS), Makarov kirpish zaýytynyń qurylysy, asfáltbeton zaýytynyń qurylysy ( «Birlik» JSHS), qurǵaq taǵam óndirý sehy ( «Kazkon» kondıterlik fabrıkasy), jylyna 6000 tonna qus etin óndiretin fabrıka («Jaıyq Agro LTD» JSHS) jáne makaron óndirý fabrıkasynyń qurylysy («Jelaevskıı kombınat hleboprodýktov» AQ) enip otyr.
Osy jobalardyń ishinde 2 joba: elektrqalqandary jabdyǵy óndirisin uıymdastyrý («ÝralElektrık» JSHS) jáne Makarov kirpish zaýytynyń qurylysy aıaqtalyp, iske qosyldy.
Kartadan tys jalpy quny 9,1 mlrd. teńge bolatyn, 550 jumys oryny ashylyp, 2017 jyly iske qosylatyn 6 joba qolǵa alyndy:
- esik-tereze óndirisi («StekloServıs» JSHS);
- sendvıch-panel óndirisi («Agran» JSHS);
- asfált zaýytynyń qurylysy («AdalArna» JSHS);
- aıaq-kıim tigý fabrıkasy («Asar» JSHS);
- BASK qurylys kólik-logıstıkalyq ortalyǵy («Eýrazıan Logıstık» JSHS);
-mal ónimin óńdeý sehy qurylysy («Kýbleı» JSHS).
Sonymen qatar, 2018-2019 jyldary 491 jumys orny, onyń ishinde 213 turaqty jumys orny bar jalpy quny 3,7 mlrd. teńgeni quraıtyn tórt joba iske asyrylady:
- keramıkalyq kirpish zaýyty («134» JSHS);
- hımıalyq óndiristik baza qurylysy («Topan» JSHS);
- BQO-da mıneraldy untaq, suıyq natrııli shyny jáne penoshyny óndirisi zaýytynyń qurylysy («Foamsil» JSHS);
- shaǵyn katerler óndirisn jańǵyrtý jáne ulǵaıtý ( «NII «Gıdroprıbor» AQ).
2017 jyly «Aýyl sharýashylyǵyn qarjylaı qoldaý qory» AQ-men birlesip, agroónerkásip keshenindegi jobalardy qarjylandyrý tájirıbesin odan ári qaraı jalǵastyrý josparlanýda. Ol úshin oblystyq búdjet pen atalmysh qordyń árqaısysynan 300 mln. teńgeden qaralady. Sondaı-aq, «Damý» kásipkerlikti damytý qory» AQ ekinshi deńgeıli banktermen birlesip qarjylandyrý úshin 700 mln. teńgeden qarjy bóledi.
«Sonymen birge, memlekettik-jeke áriptestik baǵdarlamasy arqyly 8 joba qolǵa alyndy, sonyń ishinde 4 balabaqsha, 1 dene shynyqtyrý-saýyqtyrý kesheniniń qurylysy júrýde, Oraldaǵy №7 emhanany, №8 orta mekteptiń ashanasyn senimgerlik basqarýǵa berý máselesi sheshilmek, - dedi B.Ibraımov.
Kelesi spıker E.Idenov halyqqa shaǵyn nesıe berý suraqtaryna keńinen toqtaldy. Máselen, qalalyq jerlerde osy maqsatqa 294,7 mln. teńge jáne kepildeme berýge 36 mln. teńge qarjy jumsaý josparlanýda. Ótken 2016 jyl ishinde Batys Qazaqstan oblysynda sýbsıdıalaý boıynsha jalpy quny 20,4 mlrd. teńge quraǵan 111 kelisimshart jasalǵan. Bıylǵy jyldyń alǵashqy alty aıynda jalpy nesıe portfeli 8 mlrd. 123,7 mln. teńge bolatyn 69 joba boıynsha sýsbsıdıalaý kelismshartyna qol qoıylǵan. Jalpy, baǵdarlama bastalǵaly beri nesıe portfeli 86,7 mlrd. teńge bolatyn 603 joba maquldandy.
«Ekinshi deńgeıli bankterden nesıe alý barysynda kepildeme jetispese, kásipker sýbsıdıalaý baǵdarlamasy aıasynda «Damý» qorynyń kepildemesin ala alady. Iaǵnı, jumys istep otyrǵan kásipkerdiń bankke qoıǵan kepildemesiniń qunynan eki ese artyq mólsherde nesıe alýyna múmkindigi bar. Sharýasyn endi bastaǵan kásipkerge bizdiń qor alatyn nesıesiniń 85 paıyzy kóleminde kepildeme beredi. Aǵymdaǵy jyldyń alǵashqy alty aıynda jalpy quny 490,8 mln. teńge quraıtyn 24 kepildeme berdik», - dep atap ótti E.Idenov.
«Bıznestiń jol kartasy-2020» baǵdarlamasy sheńberinde kásipkerlikti qarjysyz qoldaý sharalary da tabysty iske asyrylýda. Mysaly, «Nazarbaev Ýnıversıteti» bıznestiń joǵary mektebi (Astana qalasy) bazasynda qolǵa alynǵan «Shaǵyn jáne orta bıznes top-menedjmentin oqytý» jobasy sheteldik oqytý ortalyqtaryn qatystyrý arqyly bilim berýdi kózdeıdi. Oqytý tegin. Joba bastalǵan ýaqyttan beri oblystaǵy 64 kásipker osy jerde oqydy.
Shalǵaı aýdandardaǵy kásipkerlerge aqparattyq jáne keńes berý baǵytynda 2013 jyldan beri Kásipkerlerdi mobıldi qoldaý ortalyǵy jumys istep, arnaıy jabdyqtalǵan avtobýs júrýde.
Qor 2016 jyldan bastap halyqtyń kásipkerlik salaǵa yntasyn oıatýǵa, qabiletin qalyptastyrýǵa qajetti Startap-jobalardy qoldaýǵa baǵyttalǵan «Jańa bıznesti ashýǵa qoldaý» jobasyn qolǵa aldy. 2016 jyly joba aıasynda 86 kásipker oqýdan ótse, 2017 jyldyń alǵashqy alty aıynda 43 kásipker oqydy, olardyń 17-si Start-ap jobasy arqyly oqydy.
2016 jyl ishinde Kásipkerlerge qyzmet kórsetý ortalyǵy arqyly 4 myńnan asa kómek-keńes berildi. 2017 jyldyń alǵashqy alty aıynda aqyl-keńes túrindegi qyzmet sany 2734-ke jetti.
