دەنساۋلىق ساقتاۋ مينيسترٸ اقمارال ەلنازاروۆا قاراعاندىداعى, بۇعان دەيٸن كەسٸپكەر قايرات بورانباەۆقا تيەسٸلٸ بولعان فارماتسەۆتيكالىق كومپانييانىڭ قازٸرگٸ جاعدايى تۋرالى سۇراققا جاۋاپ بەردٸ, دەپ حابارلايدى Dalanews.kz.
مينيستردٸڭ ايتۋىنشا, بۇل كەسٸپورىن قازٸرگٸ تاڭدا مەملەكەتتٸك مەنشٸكتە ەمەس.
"قاجەت بولعان جاعدايدا كومپانييانىڭ قۇرىلتايشىلارىنا قاتىستى قوسىمشا اقپاراتتى بەرۋگە دايىنبىز. يە, بۇل – جەكەمەنشٸك ۇيىم, بٸراق ونىڭ تەجٸريبەسٸ مول. قازٸرگٸ تاڭدا كومبينات بٸرىڭعاي ديستريبيۋتوردىڭ تٸزٸمٸندە بار جەنە مەملەكەت ەسەبٸنەن ٶتەلەتٸن دەرٸ-دەرمەكتەر قاتارىندا بەلگٸلٸ بٸر پوزيتسييالارعا يە. بۇل ٶندٸرۋشٸنٸڭ ٶنٸمدەرٸنە قاتىستى رەسمي شاعىمدار تٸركەلمەگەن", – دەدٸ مينيستر.
سونداي-اق اقمارال ەلنازاروۆا كومپانييانىڭ قانداي ٶنٸم شىعاراتىنىنا توقتالدى.
"قوسىمشا اقپاراتتى كەيٸنٸرەك ناقتىلاپ ايتامىز. نەگٸزٸنەن, بۇل كەسٸپورىن ونكولوگييالىق پرەپاراتتار مەن ينسۋلين ٶندٸرەدٸ. اتاپ ايتقاندا, شىعارىلاتىن ينسۋليننٸڭ بٸرٸ امبۋلاتورييالىق دەڭگەيدە پاتسيەنتتەرگە تەگٸن بەرٸلەتٸن دەرٸ-دەرمەك تٸزٸمٸنە ەنگٸزٸلگەن. بۇل دەرٸ قاراعاندى فارماتسەۆتيكالىق كەشەنٸ ارقىلى بٸرىڭعاي ديستريبيۋتور بازاسىنا تٸركەلگەن. سوندىقتان كەسٸپورىن تولىققاندى جۇمىس ٸستەپ تۇر, جەنە مينيسترلٸك تاراپىنان ەشقانداي رەسمي شاعىم جوق", – دەدٸ مينيستر ەلنازاروۆا.
ەسكە سالايىق, بۇعان دەيٸن بورانباەۆقا تيەسٸلٸ بولعان مۇناي كومپانيياسى 2025 جىلى جەكەشەلەندٸرٸلۋٸ مٷمكٸن ەكەنٸن حابارلاعان ەدٸك.
كومپانييا 2023 جىلدىڭ قازان ايىندا مەملەكەت مەنشٸگٸنە ٶتتٸ — بارلىق 100% اكتسيياسى مەملەكەتكە بەرٸلٸپ, ولاردىڭ جالپى قۇنى 35 ميلليارد تەڭگەدەن اسا باعالانعان.
Phystech II كومپانيياسى ماڭعىستاۋ وبلىسىنداعى سولتٷستٸك قاراجانباس كەن ورنىن يەلەنەدٸ. الايدا بۇعان دەيٸن كومپانييا شىعىن عانا ەكەلٸپ كەلگەن. جەكەشەلەندٸرۋ كونكۋرس نەمەسە تٸكەلەي مەمٸلە ارقىلى جٷزەگە اسىرىلۋى مٷمكٸن.
ايتا كەتەيٸك, 2023 جىلى قايرات بورانباەۆ اسا ٸرٸ مٶلشەردە مەملەكەت قاراجاتىن ۇرلادى جەنە قىلمىستىق كٸرٸستەردٸ زاڭداستىردى دەگەن كٷدٸكپەن ۇستالدى.
كەيٸننەن ول كٶپتەگەن اكتيۆٸن مەملەكەتكە قايتارا باستادى. مىسالى, بىلتىر قاراشادا قايرات بورانباەۆپەن بايلانىستى قاراعاندىداعى فارماتسەۆتيكالىق زاۋىت بيۋدجەتكە 105 ميلليون تەڭگەنٸ قايتاردى.
