اگەنتتىك قايرات بورانبايەۆقا قاتىستى قىلمىستىق جولمەن الىنعان مۇلىكتى زاڭداستىرۋعا بايلانىستى سوتقا دەيىنگى تەرگەۋدى جالعاستىرىپ جاتىر.
تەرگەۋ بارىسىندا جالپى قۇنى 90 ملرد تەڭگەدەن اساتىن اكتيۆتەردى، ونىڭ ىشىندە: مۇناي كەن ورنىن، گاز تاراتۋ كومپانياسىن، سەرۆيس سالاسىنداعى كاسىپورىندى، قوناق ءۇي جانە ساۋدا-ويىن-ساۋىق كەشەندەرىن، فيتنەس ورتالىقتار جەلىسىن، كەڭسە ءۇي-جايلارىن جانە باسقا دا اكتيۆتەردى مەملەكەت مەنشىگىنە ەرىكتى تۇردە قايتارۋ جونىندە شارالار قابىلداندى.
سونداي-اق قايرات بورانبايەۆ ءبىلىم بەرۋ ينفراقۇرىلىمىن قولداۋ قورىنا 30 ملرد تەڭگە اۋداردى. وسى وبەكتىلەردىڭ بارلىعى مەملەكەتتىك ورگاندار مەن كومپانيالاردىڭ بالانسىنا بەرىلىپ، ال اقشالاي قاراجات ءبىلىم بەرۋ ينفراقۇرىلىمىن دامىتۋ ءۇشىن پايدالانىلادى، – دەلىنگەن اقپاراتتا.
بۇعان دەيىن قايرات بورانبايەۆ تابيعي گاز يمپورتى كەزىندە قاراجاتتى جىمقىرۋ ەپيزودى بويىنشا تەرگەۋ اياسىندا 14،5 ملرد تەڭگە كولەمىندە ماتەريالدىق شىعىندى وتەگەن.
ايتا كەتەيىك، بورانبايەۆقا سوت ۇكىمى 2023 جىلدىڭ 31 ناۋرىزىندا شىقتى. قايرات بورانبايەۆ پەن رومان ناحانوۆ 8 جىلعا باس بوستاندىعىنان ايىرىلدى. قىلمىستىق ءىس بويىنشا سوتتالۋشى – Qazaq Gaz اق باسقارما باسشىسىنىڭ بۇرىنعى ورىنباسارى تايىر جانۇزاق تا 8 جىلعا سوتتالدى. ول سوت زالىنان قاماۋعا الىندى.
سودان كەيىن استانانىڭ قىلمىستىق ىستەر جونىندەگى سوت القاسى رەسەي گازىنىڭ باعاسى تۋرالى اقپاراتتى قامتيتىن قۇجات ءتۇپنۇسقاسىنىڭ بولماۋىنا بايلانىستى ءبىرىنشى ينستانسياداعى سوت ۇكىمىنىڭ كۇشىن جويدى.
22 تامىزدا استانانىڭ قىلمىستىق ىستەر جونىندەگى اپەللياسيالىق سوت القاسى قازاقستاندىق كاسىپكەر قايرات بورانبايەۆقا قاتىستى ءىستى قارادى. بورانبايەۆتىڭ ادۆوكاتى دانيار قانافين مەملەكەتتىك ايىپتاۋشىمەن پروسەستىك كەلىسىمگە كەلۋ تۋرالى ءوتىنىشحات جولدادى.
تامىزدا استانا قالالىق سوتىندا قايرات بورانبايەۆتىڭ ءىسى بويىنشا اپەللياسيالىق كەلىسىم قارالدى. وتىرىستا كاسىپكەر كىناسىن مويىنداپ، زالالدى وتەگىسى كەلەتىنىن مالىمدەگەن.
