بولات ءوندىرۋدىڭ كونۆەرتەر ءادىسى
كونۆەرتەر دەپ ءىشى وتقا ءتوزىمدى كىرپىشپەن استارلانعان بولات رەتورتانى ايتادى. كونۆەرتەردە بولات الۋ ءادىسىن 1854 – 1856 جىلدارى اعىلشىن گ.بەسسەمەر ءبىرىنشى بولىپ قولدانعان. باستاپقىدا بۇل ءادىس بويىنشا بولات العاندا، كونۆەرتەرگە ءقۇيىلعان ءسۇيىق شويىندى استىنان اۋامەن ۇرلەگەن.
بولات ءوندىرۋدىڭ مارتەن ءادىسى
مارتەن ۇدەرىسىن 1865 جىلى فرانسۋز مەتاللۋرگتارى ە. مارتەن مەن ونىڭ ۇلى پ. مارتەن ۇسىنعان. مارتەن پەشى جىلىندى جانە رەگەنەراتيۆتى پەش بولىپ تابىلادى. ونىڭ بالقىتۋ كەڭىستىگىندە گاز ءتارىزدى وتىن نەمەسە مازۋت جاعىلادى.
ەلەكتر پەشتەرىندە بولات ءوندىرۋ
بالقىتۋدىڭ باسقا اگرەگاتتارىمەن سالاىستىرعاندا، ەلەكتر پەشتەرىندە بالقىتۋدىڭ ارتىقشىلىقتارىنا مىنالار جاتادى.
جىلدام قىزىپ، 2000˚C-قا دەيىن جىلۋدىڭ تۇراقتى بولۋى.
توتىقتاناتىن، بۇرىنعى قالپىنا كەلەتىن نەمەسە بەيتاراپ اتموسفەرا جانە ۆاكۋۋم جاساۋ مۇمكىنشىلىگى. سونىڭ ارقاسىندا ەلەكتر پەشتەرىندە ماپاسى جوعارى جانە ارنايى قاسيەتتەرى بار، زياندى قوسپالارى از بولاتتار قورىتۋعا بولادى. مەتاللۋرگيالىق ەلەكتر پەشتەرى دوعالى جانە يندۋكسيالى بولىپ بولىنەدى.
بالقىعان بولاتتى قۇيىپ الۋ تاسىلدەرى
بالقىتۋ پەشتەرىندە بالقىعان بولاتتى شومىشتەرگە قۇيىپ الىپ، كوپىر كرانمەن ونى سوم تەمىر قۇياتىن جەرگە جەتكىزەدى. ول شومىشتەردىڭ سىيىمدىلىعى 5-250 ت ارالىعىندا. ءىرى بالقىتۋ پەشتەرىندە بولات قورىتقاندا، ءشومىش سىيىمدىلىعى 400 تونناعا دەيىن بولادى (ديامەترى مەن بيىكتىگى 6 م-گە دەيىن).
