بولات نازاربايەۆتىڭ ەنشىلەس كومپانيالارىنا تيەسىلى ماڭعىستاۋ وبلىسىندا 239 مىڭ گەكتار، جامبىل وبلىسىندا 60 مىڭ گەكتار جەر مەملەكەت مەنشىگىنە قايتارىلعان ەدى. دەگەنمەن ولار ءقازىر كادەگە اسىپ جاتىر ما؟ بۇل سۇراققا رەسمي ورگاندار جاۋاپ بەردى، - دەپ حابارلايدى Dalanews.kz Massaget.kz-كە سىلتەپ.
2023 جىلى ءماجىلىس دەپۋتاتى ەرلان سايروۆ زاڭسىز العان دەپ تانىلعان بولات نازاربايەۆتىڭ ەنشىلەس كومپانيالارىنا تيەسىلى جامبىل جانە ماڭعىستاۋ وبلىسىنداعى جەر مەملەكەت مەنشىگىنە قايتارىلعانىن حابارلاعان ەدى. وسى تۇستا بولات نازاربايەۆتىڭ ەنشىلەس كومپانيالارىنا تيەسىلى جەر شارۋالارعا ۇلەستىرىلدى مە دەگەن ساۋال تۋىندادى.
جەر رەسۋرستارىن باسقارۋ دەپارتامەنتىنىڭ جاۋابى:
ساۋالعا جامبىل وبلىسىنىڭ جەر رەسۋرستارىن باسقارۋ دەپارتامەنتى جاۋاپ بەرگەن. دەپارتامەنت وڭىردە ءبىراز جەر جەكەنىڭ قولىنا ءوتىپ كەتكەندىكتەن وسىنداي ماسەلە تۋىنداپ وتىرعانىن جەتكىزدى. سول سەبەپتى ءقازىر پايدالانىلماي جاتقان القاپتاردى قايتارۋ جۇمىستارى قىزۋ جۇرگىزىلىپ جاتىر ەكەن.
"پرەزيدەنت تاپسىرماسى اياسىندا وبلىستا 2022 جىلى 202، 7 مىڭ گا، 2023 جىلى 201،2 مىڭ گا جەر مەملەكەت يەلىگىنە قايتارىلسا، اعىمداعى جىلدىڭ 1 تامىزىندا مەملەكەت مەنشىگىنە قايتارىلعان جەردىڭ الاڭى - 77،2 مىڭ گەكتار. بيىلعى جوسپار 80 مىڭ گەكتار جەردى قايتارۋ"، - دەلىنگەن حابارلامادا.
بولات نازاربايەۆتان قايتقان جەر تاعدىرى:
ال بولات نازاربايەۆتىڭ ەنشىلەس كومپانيالارىنان قايتارىلعان 60،0 مىڭ گا جەر "بن-ەكوتەحنولوگيا" جشس-نا تيەسىلى بولعان ەكەن. كومپانيا سارىسۋ اۋدانىنىڭ قامقالى اۋىلدىق وكرۋگى اۋماعىنداعى جەر قورىنان الاڭى 60 000 گا جايىلىم جەر ۋچاسكەسىنە تاۋارلى اۋىل شارۋاشىلىعى ءوندىرىسىن جۇرگىزۋ ءۇشىن 49 جىلعا وتەۋلى جەر پايدالانۋ قۇقىعىن الىپتى. جەر پايدالانۋ قۇقىعى 2006 جىلدىڭ 18 شىلدەسىندە سارىسۋ اكىمدىگىنىڭ 166 قاۋلىسىمەن زاڭداستىرىلعان. دەسە دە، سەرىكتەستىك جايىلىم جەرىنە قۇقىق تاپسىرعان 2006 جىلدان بەرى پايدالانباي كەلگەن.
"وسىعان وراي جەر پايدالانۋشىمەن دەپارتامەنت پەن سارىسۋ اۋدانى اكىمدىگىنىڭ جەر قاتىناستارى ءبولىمى وكىلدەرىنىڭ تىكەلەي كەزدەسۋى ارقىلى جۇرگىزگەن تۇسىندىرمە جۇمىسىنان كەيىن جەر پايدالانۋشى جەردى مەملەكەت مەنشىگىنە ءوز ەركىمەن نوتاريۋسپەن بەكىتىلگەن ءوتىنىشى نەگىزىندە قايتارعان. مەملەكەت مەنشىگىنە قايتارىلعاندىعى تۋرالى اۋدان اكىمدىگىنىڭ قاۋلىسى قابىلدانعان. سارىسۋ اۋدانى جەر قاتىناستارىنىڭ مالىمەتىنە سايكەس، بۇگىنگى كۇنگە دەيىن اتالعان جەر ۋچاسكەسىنە قۇقىق تاپسىرىلماعاندىقتان، جەر تولىعىمەن مەملەكەت جەر قورىنىڭ ەسەبىندە تۇرعاندىعىن حابارلايمىز"، - دەلىنگەن حابارلامادا.
ەسكە سالايىق، بۇعان دەيىن ەكس-پرەزيدەنت نۇرسۇلتان نازاربايەۆتىڭ ءىنىسى بولات نازاربايەۆ قايتىس بولعاننان كەيىن ونىڭ مۇلكىن ءبولۋ پروسەسى باستالعانىن حابارلاعان ەدىك.
bes.media دەرەكتەرىنە سۇيەنسەك، بولات نازاربايەۆ قايتىس بولعاننان كەيىن نوتاريۋس 2024 جىلعى 3 قاڭتاردا مۇراگەرلىك بويىنشا ءىستى اشتى.
"نازاربايەۆتىڭ وتباسى مۇشەلەرى، سونىڭ ىشىندە ۇلى نۇربول، جۇبايى دينارا جانە بىرنەشە بالاسى مۇراگەرلىك قۇقىعى تۋرالى ءوتىنىش ءبىلدىردى. وتىنىشتەر بىرلەسىپ ساتىپ الىنعان مۇلىكتىڭ ۇلەسىنە دە، زاڭ بويىنشا مۇرانىڭ مىندەتتى ۇلەسىنە دە قاتىستى"، - دەپ جازىلعان مالىمەتتە.
مۇراگەرلىك قۇقىعى تۋرالى وتىنىشپەن نۇربول بولات ۇلى نازاربايەۆ (1983 جىلى 14 قاراشادا تۋعان، مۇرا قالدىرۋشىنىڭ ۇلى)، نازاربايەۆا دينارا كەمەلحانوۆا (1986 جىلى 4 جەلتوقساندا تۋعان، مۇرا قالدىرۋشىنىڭ جۇبايى) جۇگىنگەن.
زاڭ بويىنشا مۇرانىڭ مىندەتتى ۇلەسىن الۋعا ءوتىنىش بىلدىرگەن بولات نازاربايەۆتىڭ بالالارى:
- بولات ۇلى بولاتحان، 2012 جىلى 7 اقپاندا دۇنيەگە كەلگەن.
- نازاربايەۆ مۇحاممەد بولات ۇلى، 2021 جىلى 21 قىركۇيەكتە دۇنيەگە كەلگەن.
- نازاربايەۆا ەركەجان بولات قىزى، 2018 جىلى 18 مامىردا دۇنيەگە كەلگەن.
- نازاربايەۆ ەلنۇر بولاتوۆيچ، 2013 جىلى 19 تامىزدا دۇنيەگە كەلگەن.
- نازاربايەۆ بولات بولاتوۆيچ، 2014 جىلى 17 قازاندا دۇنيەگە كەلگەن.
- نازاربايەۆ اكبار بولاتوۆيچ، 2016 جىلى 23 قاراشادا دۇنيەگە كەلگەن.
- نازاربايەۆا نۇربانۋ بولات قىزى، 2018 جىلى 9 شىلدەدە دۇنيەگە كەلگەن.
- بولات قىزى توميريس، 2013 جىلى 30 شىلدەدە دۇنيەگە كەلگەن.
- بولات قىزى ارۋناز، 2016 جىلى 30 قاڭتاردا دۇنيەگە كەلگەن.
- نازاربايەۆ حانبولات بولات ۇلى، 2002 جىلى 17 اقپاندا دۇنيەگە كەلگەن.
- نازاربايەۆا البينا بولات قىزى، 2003 جىلى 7 ماۋسىمدا دۇنيەگە كەلگەن.
- نازاربايەۆ حانتورە بولات ۇلى، 2018 جىلى 26 قاڭتاردا دۇنيەگە كەلگەن.
- نازاربايەۆا جانەل بولاتوۆنا، 2010 جىلى 3 قاراشادا دۇنيەگە كەلگەن.
بولات نازاربايەۆتىڭ مۇلكىن ءبولۋ مۇراگەرلىك تۋرالى ءىس قارالعانشا ۋاقىت الادى.
