ساياساتكەردٸڭ پٸكٸرٸنشە, ناۆالنىي ميلليونداعان ادامنىڭ پٸكٸرٸن ايتىپ وتىر. «ولاردىڭ پٸكٸرٸ رەسەيدە ەستٸلۋٸ تيٸس» دەدٸ بلينكەن.
گەرمانييادان مەسكەۋگە ورالعان الەكسەي ناۆالنىيدى رەسەي بيلٸگٸنٸڭ ۇستاعانى تۋرالى بلينكەن:
«سوعان قاراعاندا, ۆلاديمير پۋتين بٸر ادامنان قاتتى قورقادى. قىزىق. وسىنىڭ ٶزٸنەن كٶپ نەرسەنٸ اڭعارۋعا بولادى» دەدٸ.
ناۆالنىيدىڭ قاماۋعا الىنعانىن بۇنىڭ الدىندا اقش مەملەكەتتٸك دەپارتامەنتٸنٸڭ قازٸرگٸ باسشىسى مايك پومپەو دا سىناعان. «ٶزٸنە سەنٸمدٸ ساياسي ليدەرلەر قارسىلاسىنىڭ داۋىسىنان قورىقپايدى, ساياسي بەسەكەلەستەرٸنە كٷش كٶرسەتپەيدٸ, زاڭسىز قاماۋعا المايدى» دەپ مەلٸمدەدٸ پومپەو.
الەكسەي ناۆالنىي 17 قاڭتاردا گەرمانييادان رەسەيگە ورالدى. ونى ەۋەجايدا ۇستادى. كەلەسٸ كٷنٸ ساياساتكەردٸ تەرگەۋ اباقتىسىنا وتىز كٷنگە قامادى.
گەرمانييادا ناۆالنىي بىلتىر تامىز ايىنان بەرٸ ەمدەلگەن. الدىن ساياساتكەردٸ رەسەيدە "نوۆيچوك" توبىنا جاتاتىن ۋمەن ۋلاعان.
