Saiasatkerdiń pikirinshe, Navalnyi milliondaǵan adamnyń pikirin aityp otyr. «Olardyń pikiri Reseide estilýi tiis» dedi Blinken.
Germaniiadan Máskeýge oralǵan Aleksei Navalnyidy Resei biliginiń ustaǵany týraly Blinken:
«Soǵan qaraǵanda, Vladimir Pýtin bir adamnan qatty qorqady. Qyzyq. Osynyń ózinen kóp nárseni ańǵarýǵa bolady» dedi.
Navalnyidyń qamaýǵa alynǵanyn bunyń aldynda AQSh memlekettik departamentiniń qazirgi basshysy Maik Pompeo da synaǵan. «Ózine senimdi saiasi liderler qarsylasynyń daýysynan qoryqpaidy, saiasi básekelesterine kúsh kórsetpeidi, zańsyz qamaýǵa almaidy» dep málimdedi Pompeo.
Aleksei Navalnyi 17 qańtarda Germaniiadan Reseige oraldy. Ony áýejaida ustady. Kelesi kúni saiasatkerdi tergeý abaqtysyna otyz kúnge qamady.
Germaniiada Navalnyi byltyr tamyz aiynan beri emdelgen. Aldyn saiasatkerdi Reseide "Novichok" tobyna jatatyn ýmen ýlaǵan.
