بلوگەر ايگٷل ورىنبەك ۇستالدى دەگەن اقپارات تارادى

شىمكەنتتە بلوگەر ايگٷل ورىنبەك ۇستالدى دەگەن اقپارات تارادى. بۇل تۋرالى جۋرناليست ميحايل كوزاچكوۆ جازدى, - دەپ حابارلايدى Dalanews.kz.

دەرەككە سٷيەنسەك, قازٸر ول پوليتسييادا.

"ول "الاياقتىق", "سوتقا دەيٸنگٸ ٸس جٷرگٸزۋ دەرەكتەرٸن جارييا ەتۋ" جەنە "سوت تٶرەلٸگٸن جٷزەگە اسىرۋعا كەدەرگٸ جاساۋ" باپتارى بويىنشا تٸركەلگەن قىلمىستىق ٸس شەڭبەرٸندە كٷدٸككە ٸلٸندٸ", - دەپ جازىلعان دەرەكتە.

ايتا كەتەيٸك, ايگٷل ورىنبەك - زاڭگەر, ۇلتتىق قۇرىلتاي مٷشەسٸ, قازاقستان پرەزيدەنتٸنٸڭ جانىنداعى ۇلتتىق قوعامدىق سەنٸم كەڭەس مٷشەسٸ. سونىمەن قاتار, كەسٸپكەر رەتٸندە دە بەلگٸلٸ. ول قوعامداعى داۋلى جايتتارعا ٷنەمٸ پٸكٸر بٸلدٸرٸپ كەلەدٸ. 

ەسكە سالايىق, كٷنٸ كەشە ول شىمكەنت قالاسىنىڭ سپورت باسقارماسىن سىناپ, Facebook ەلەۋمەتتٸك جەلٸسٸندە جازبا جارييالاعان ەدٸ.

“شىمكەنت قالاسى ەكٸمدٸگٸ سپورت باسقارماسىنىڭ باسشىسى ماراتبەك مىقتىبەكوۆ , 7 قازان كٷنٸ مەسليحات دەپۋتاتتارىنىڭ الدىندا “ورداباسى كومانداسىنىڭ لەگيونەرلەرٸنە گونورارعا”,  دەپ 1 ميللياردتتان استام قاراجات سۇراعان.

سپورت باسقارماسىنىڭ ساتىپ الۋ پورتالىندا قىركٷيەك ايىندا 893 ملن. تەڭگە قاراجاتقا بٸر كٶزدەن مەملەكەتتٸك ساتىپ الۋ جارييالانىپ, قورىتىندى شىققان.

ودان بٶلەك,  جىل سوڭىنا  ەكٸ اي قالعاندا تاعى 1 ملرد. استام قاراجات نە ماقساتتا سۇراپ وتىرسىز ماراتبەك مىرزا?

وسىنداي سوممالار بٸر كٶزدەن بەرٸلگەنٸ قانشالىقتى زاڭدى? جىل باسىندا ورداباسىعا بٶلٸنگەن 5 ملرد نەلەرٸڭە جەتپەي جاتىر شىمكەنت قالاسى ەكٸمدٸگٸ? ونىڭ بارلىعى قايدا كەتٸپ جاتىر? مەسليحات دەپۋتاتتارى اقشا سۇراسا نەگە بەرە بەرەسٸزدەر?”, - دەپ جازدى زاڭگەر.

وسى تۇستا ول قر باس پروكۋراتۋراسى  پرەزيدەنتتٸڭ تاپسىرماسىن ورىندامايتىن باسشىلاردى تەرگەپ تەكسەرۋدٸ  سۇرايتىنىن جەتكٸزدٸ.

“مينيستر ەربول مىرزابوسىنوۆ! سٸزدٸ سپورت سالاسىن تازالاۋعا كەلگەنٸڭٸزدٸ بٸلەمٸن. بٸزدٸڭ شىمكەنت قالاسىنا كٶڭٸل بٶلۋٸڭٸزدٸ سۇرايمىن. بىلتىردان بەرٸ دەل وسى سپورت باسقارماسى جىل بٸتۋٸنە ەكٸ اي قالعاندا ٷلكەن سوممالاردى فۋتبوليستەرگە بٶلەتٸنٸ ٶتە كٷدٸك تۋدىرادى.

2023 جىلى بٸتۋٸنە 2 اي قالعاندا 500 ميلليون تەڭگە, بيىلعى جىل بٸتۋٸنە 2 اي قالعاندا بٶلٸنگەن 1 ميلليارد قاراجات تاعدىرىن ەلٸمٸزدٸڭ باس پروكۋراتۋراسى مەن قازاقستان رەسپۋبليكاسىنىڭ ۇلتتىق قاۋٸپسٸزدٸك كوميتەتٸ  تەكسەرۋٸن سۇرايمىن!”, - دەدٸ ول.