يراندا بلوگەر ح الەۋمەتتىك جەلىسىندە (بۇرىنعى تۆيتتەر) نۇكتە قويىپ، پىكىر قالدىرعانى ءۇشىن 12 جىلعا سوتتالدى، - دەپ حابارلايدى Dalanews.kz.

ەر ادام ءيزرايلدى ناسيحاتتادى دەگەن ايىپ تاعىلعان. شانبەحزادە ەسىمدى بلوگەردىڭ ادۆوكاتى ءبارى ەر ادام يسلام رەسپۋبليكاسىنىڭ جوعارعى اياتوللاسى (شييت مۇسىلماندارىنىڭ رۋحاني جەتەكشىسى) الي حامەنەيدىڭ ح الەۋمەتتىك جەلىسمىندەگى جازباسىنىڭ استىنا نۇكتە قويىپ كەتكەننەن باستالعانىن ايتادى. بلوگەر قويعان نۇكتەگە جازباعا قاراعاندا كوپ لايك باسىلعان. بۇل جايتقا جەرگىلىكتى بيلىك نازار اۋدارعان. ارتىنشا بلوگەر ۇستالىپ، قاماۋعا الىنعان. ال ونىڭ پاراقشاسى بۇعاتتالعان.

يراندىق ەر ادام «ءيزرايلدىڭ پايداسى ءۇشىن ناسيحات جۇرگىزگەنى ءۇشىن» بەس جىلعا، «يسلام وكىلدەرىن قورلاعانى ءۇشىن» ءتورت جىلعا، «جالعان اقپارات تاراتقانى ءۇشىن» ەكى جىلعا جانە «انتيمەملەكەتتىك ناسيحات جۇرگىزگەنى ءۇشىن» ءبىر جىلعا سوتتالعان.

شانبەحزادە بۇعان دەيىن بيلىكتى سىنعا العانى ءۇشىن جازاسىن وتەپ شىققان بولاتىن. 2019 جىلى بلوگەرگە «يسلام رەسپۋبليكاسىنىڭ وكىلدەرىن قورلاعان» دەگەن ايىپ تاعىلعان.

ادۆوكاتتىڭ سوزىنشە، سوت ۇگىت-ناسيحات جۇمىستارىنا ەشقانداي دالەل كەلتىرمەدى جانە ايىپتاۋ ونىڭ جەكە حات-حابارلارىنىڭ مازمۇنىنا نەگىزدەلگەن. بلوگەردىڭ ادۆوكاتى ۇكىمگە شاعىم تۇسىرمەك.