Iranda bloger H áleýmettik jelisinde (burynǵy Tvitter) núkte qoiyp, pikir qaldyrǵany úshin 12 jylǵa sottaldy, - dep habarlaidy Dalanews.kz.
Er adam Izraildi nasihattady degen aiyp taǵylǵan. Shanbehzade esimdi blogerdiń advokaty bári er adam Islam Respýblikasynyń joǵarǵy aiatollasy (shiit musylmandarynyń rýhani jetekshisi) Ali Hameneidiń H áleýmettik jelismindegi jazbasynyń astyna núkte qoiyp ketkennen bastalǵanyn aitady. Bloger qoiǵan núktege jazbaǵa qaraǵanda kóp laik basylǵan. Bul jaitqa jergilikti bilik nazar aýdarǵan. Artynsha bloger ustalyp, qamaýǵa alynǵan. Al onyń paraqshasy buǵattalǵan.
Irandyq er adam «Izraildiń paidasy úshin nasihat júrgizgeni úshin» bes jylǵa, «islam ókilderin qorlaǵany úshin» tórt jylǵa, «Jalǵan aqparat taratqany úshin» eki jylǵa jáne «antimemlekettik nasihat júrgizgeni úshin» bir jylǵa sottalǵan.
Shanbehzade buǵan deiin bilikti synǵa alǵany úshin jazasyn ótep shyqqan bolatyn. 2019 jyly blogerge «Islam Respýblikasynyń ókilderin qorlaǵan» degen aiyp taǵylǵan.
Advokattyń sózinshe, sot úgit-nasihat jumystaryna eshqandai dálel keltirmedi jáne aiyptaý onyń jeke hat-habarlarynyń mazmunyna negizdelgen. Blogerdiń advokaty úkimge shaǵym túsirmek.
