پارتيا بەلسەندىلەرى كوپبالالى جانە تولىق ەمەس وتباسىلاردىڭ بالالارىنا، سونداي-اق ەرەكشە ءبىلىم بەرۋ قاجەتتىلىكتەرى بار بالالار ءۇشىن ەلىمىز بويىنشا كەڭسە تاۋارلارى، مەكتەپ جانە سپورت كيىمدەرى، سومكەلەرمەن جانە باسقا دا قاجەتتى زاتتار ساتىپ الدى.
سونىمەن قاتار، پارتيانىڭ ورتالىق اپپاراتى باستاۋىش پارتيالىق ۇيىمىنىڭ مۇشەلەرى بيىل جالپى سوماسى 1،2 ملن تەڭگەگە 67 بالاعا كومەك كورسەتتى. ال، ەلىمىز بويىنشا نۇروتاندىقتار جالپى سوماسى 593،4 ملن تەڭگەگە 41 558 بالانى مەكتەپكە دايىنداۋعا كومەكتەستى.
– ارامىزدا وسىنداي جاناشىر پارتيالاستارىمىزدىڭ كوپ بولعانى قۋانتادى. ءبىزدىڭ كۇشىمىز – بىرلىكتە! وسىنداي يگى ىستەرى ءۇشىن بارلىق پارتيالاستارىما العىسىمدى بىلدىرەمىن. بالالارعا بۇگىنگى كۇنى جاساعان قامقورلىق – ولاردىڭ ەرتەڭگى كۇنى ەلىمىزگە لايىقتى ازامات بولىپ وسۋىنە قوسقان ۇلەسىمىز. وسى اكسيانىڭ ۇيىتقىسى – «باقىتتى وتباسى» پارتيالىق جوباسى، – دەپ اتاپ ءوتتى ورتالىق اپپاراتتىڭ بپۇ ءتوراعاسى ارىستانعالي ارىن.
جالپى، ونىڭ ايتۋىنشا، «Nur Otan» بالالاردى قورعاۋ جانە وتباسى ينستيتۋتىن قولداۋ ماسەلەلەرىنە ءجىتى كوڭىل ءبولىپ وتىرادى.
بيىلعى جىلدىڭ ءبىرىنشى جارتىجىلدىعىندا «باقىتتى وتباسى» جوباسى اياسىندا ومىرلىك قيىن جاعدايدا جۇرگەن 136 مىڭنان استام وتباسىعا اتاۋلى الەۋمەتتىك كومەك كورسەتىلدى. از قامتىلعان وتباسىلاردان شىققان 17 مىڭنان استام بالا باسسەيندەر مەن سپورت كلۋبتارىنا تەگىن بارۋ مۇمكىندىگىنە يە بولدى. توعىز وبلىستا 545 تەگىن ۇيىرمە جانە 135 مىڭنان استام بالاعا ارنالعان 70 اۋلا كلۋبى اشىلدى.
سونداي-اق، پارتيا جانىندا وتباسى، ايەلدەر جانە بالالاردىڭ قۇقىقتارىن قورعاۋ ماسەلەلەرى جونىندەگى رەسپۋبليكالىق قوعامدىق كەڭەس، «111 جەدەل قىزمەتى» ارنايى بايلانىس ورتالىعى، سونداي-اق 2،3 مىڭنان استام جەدەل ارەكەت ەتۋ توبى بەلسەندى جۇمىس ىستەيدى. 2025 جىلعا دەيىن ءار قالا مەن اۋداندا ومىرلىك قيىن جاعدايعا تاپ بولعان وتباسىلار مەن بالالى انالاردى قولداۋ بويىنشا 234 ورتالىق اشىلادى.
