شومىلۋ ماۋسىمى باستالعان 1 ماۋسىمنان بەرٸ قازاقستاندا 102 ادام سۋعا باتىپ قازا تاپتى. ونىڭ 34-ٸ – كەمەلەتكە تولماعان, دەپ حابارلايدى dalanews.kz.
تجم اقپاراتىنا قاراعاندا, ٶتكەن جىلدىڭ وسى كەزەڭٸندە 88 ادام, ونىڭ ٸشٸندە 28 بالا سۋعا كەتكەن بولاتىن.
ٶكٸنٸشكە قاراي, سۋعا باتۋ سالدارىنان بولاتىن ٶلٸم-جٸتٸمنٸڭ 85%-ى شومىلۋعا رۇقسات ەتٸلمەگەن ەرٸ ارنايى جابدىقتالماعان سۋ ايدىندارىندا تٸركەلەدٸ.
«ادامداردىڭ قاۋٸپتٸ سۋ ايدىندارىندا قازا بولۋ قاۋپٸن ازايتۋ ماقساتىندا تٶتەنشە جاعدايلار مينيسترلٸگٸ, ٸشكٸ ٸستەر مينيسترلٸگٸ جەنە ەرٸكتٸلەر ۇيىمدارىنىڭ كٷشٸمەن سۋداعى قاۋٸپسٸزدٸك ەرەجەلەرٸنٸڭ ساقتالۋىن باقىلاۋ ٷشٸن 39 مىڭنان استام رەيد پەن پاترۋلدەۋ جٷرگٸزٸلدٸ. ەرەجەنٸ بۇزعان 1 995 ازامات ەكٸمشٸلٸك جاۋاپكەرشٸلٸككە تارتىلىپ, ولارعا جالپى سوماسى 26 ميلليون تەڭگەدەن استام ايىپپۇل سالىندى», – دەلٸنگەن مينيسترلٸكتٸڭ اقپاراتىندا,
ازاماتتاردىڭ قاۋٸپسٸزدٸگٸن قامتاماسىز ەتۋ ٷشٸن كٷزەتٸلمەيتٸن سۋ ايدىندارىندا تجم-نٸڭ اۋماقتىق بٶلٸمشەلەرٸ 233 موبيلدٸ قۇتقارۋ توبىن قوسىمشا ورنالاستىرعان. سونداي-اق ەلٸمٸزدە 52 قۇتقارۋ ستانتسيياسى جۇمىس ٸستەپ تۇر.
