Shomylý maýsymy bastalǵan 1 maýsymnan beri Qazaqstanda 102 adam sýǵa batyp qaza tapty. Onyń 34-i – kámeletke tolmaǵan, dep habarlaidy dalanews.kz.
TJM aqparatyna qaraǵanda, ótken jyldyń osy kezeńinde 88 adam, onyń ishinde 28 bala sýǵa ketken bolatyn.
Ókinishke qarai, sýǵa batý saldarynan bolatyn ólim-jitimniń 85%-y shomylýǵa ruqsat etilmegen ári arnaiy jabdyqtalmaǵan sý aidyndarynda tirkeledi.
«Adamdardyń qaýipti sý aidyndarynda qaza bolý qaýpin azaitý maqsatynda Tótenshe jaǵdailar ministrligi, Ishki ister ministrligi jáne eriktiler uiymdarynyń kúshimen sýdaǵy qaýipsizdik erejeleriniń saqtalýyn baqylaý úshin 39 myńnan astam reid pen patrýldeý júrgizildi. Erejeni buzǵan 1 995 azamat ákimshilik jaýapkershilikke tartylyp, olarǵa jalpy somasy 26 million teńgeden astam aiyppul salyndy», – delingen ministrliktiń aqparatynda,
Azamattardyń qaýipsizdigin qamtamasyz etý úshin kúzetilmeitin sý aidyndarynda TJM-niń aýmaqtyq bólimsheleri 233 mobildi qutqarý tobyn qosymsha ornalastyrǵan. Sondai-aq elimizde 52 qutqarý stantsiiasy jumys istep tur.
